MYU sobiq futbolchisi: "Klopp Simeonening uslubini tanqid qilib adashdi, chunki..."

"Simeone o'zining usullariga etibor qaratishi va Klopp nima deganiga parvo ham qilmasligi kerak. Yurgen "Atletiko"ning himoyasini tanqid qilib adashdi. Bu Simeone o'z jamoasi uchun tanlagan usuldir.

CHolo [Simeoneni shunday atashadi]ga bo'layotgan tanqidlar to'xtatilishi kerak. "Liverpul" "Atletiko" qanday o'ynashini bilib ham, ularni mag'lub eta olmadi.

Bundan tashqari, Simeonening uslubi jamoaga juda katta yordam berdi. U "Atletiko"ni ikki bor CHempionlar Ligasi finaliga qadar olib chiqdi, La Ligadagi "Barselona" va "Real" jamoalarining gegemonligiga barham berdi. Aslida, Diego "Atletiko"ni haqiqiy mashinaga aylantirdi, shuning uchun hech kim uning usullariga sodiq qolgani uchun tanqid qilmasligi kerak", - deydi Berbatov.

Eslatib o'tamiz, "Atletiko" CHL 1/8 final doirasida "Liverpul"ni ikki o'yin natijasiga ko'ra 4:2 hisobida mag'lub etib, amaldagi chempionlarni musobaqadan chiqarib yubordi.