Muxtor Qurbonov: "Andijonga g'alaba qozonish maqsadida kelgandik"

- Bugun tomoshabop o'yin bo'ldi deb o'ylayman. CHunki ikkala jamoa ham ochiq va hujumkor o'yin namoyish etdi. Gol urishimiz uchun bir qator vaziyatlar bo'ldi. Ammo bu imkoniyatlardan foydalana olmadik. Natijada uchrashuv jangovor durang bilan yakunlandi. Garchi safarda durangga erishgan bo'lsak-da, natijadan qoniqqanim yo'q. Boisi Andijonga g'alaba qozonish maqsadida kelgandik.

Afsuski, yuta olmadik. O'yindan qaysidir manoda qoniqish hosil qilgan bo'lsam-da, vaziyatlardan foydalana olmaganimiz ranjitdi. So'nggi paytlarda golli vaziyatlardan foydalanishda oqsayapmiz. “Nasaf” va undan avval “Paxtakor” bilan bo'lgan uchrashuvlarda ham gol urishimiz uchun imkoniyatlar bo'ldi. Bir tarafdan, jamoamizda har bir o'yinda golli vaziyatlar bo'layotgani meni xursand qilmoqda.

 -Taran bugun ko'p yugurgani bois charchab qolganini sezdim. Har bir murabbiy o'yinda yangi kuchlarni tushirib burilish yasagisi keladi. Men ham Klishinni maydonga tushirib o'yinni kuchaytirishni o'ylagandik. CHunki Viktor o'tgan turda “Nasaf” bilan o'yinda yaxshi harakat qilgandi. SHu sababli Taranni Klishinga almashtirgandim.