Murod Ismoilov: "Birgina xato qimmatga tushdi"

“Bunyodkor” bilan o'yindan keyin “Lokomotiv”ga qarshi jiddiy tayyorgarlik ko'rgandik", - deb gap boshladi Ismoilov.

"Bugungi o'yinda golli imkoniyatlar kam bo'lishini bilardik. Biz bunday imkoniyatlardan foydalanib qolishimiz kerak edi. Xususan, dastlabki daqiqalardagi Ro'zimboy Ahmedovning tepgan to'pi to'singa tegib qaytdi. Qaytgan to'pni Abdulloh Olimov sovuqqonlik bilan yakunlashi kerak edi. Ikkinchi bo'limda ham birqancha vaziyatlar bo'ldi. Afsuski, birinchi bo'lim oxirlarida yo'l qo'ygan o'zimizning xatoimiz evaziga to'p o'tkazib yubordik. Bu bizga yakunda qimmatga tushdi. Bugun yigitlar imkon qadar qo'llaridan kelgancha harakat qilishdi. Buning uchun ularga minnatdorchilik bildiraman. Futbolchilar bergan ko'rsatmalarimizni bexato bajarishga harakat qilishdi. Lekin birgina xato qimmatga tushdi".

- Avval ham aytganman, “Bunyodkor” va “Lokomotiv” singari etakchi jamoalarga qarshi bahslarda ochiq futbol namoyish etsak bugungi holatimizda qiynalamiz.

- Hisoblab chiqsak, ixtiyorimizdagi 10 nafar o'yinchidan turli xil sabablarga ko'ra foydalana olmayapmiz. Bu bahona emas. Lekin buning ijobiy tomoni shundaki, mahalliy yoshlarda imkoniyat yuzaga kelmoqda. Etibor berayotgan bo'lsangiz, oxirgi o'yinlarda ko'proq mahalliy yoshlarga imkoniyat berib kelmoqdamiz. Bunga misol tariqasida Javohir Rasulov, Murod Bobojonov, Otabek Zokirov kabi o'yinchilarni ko'rsatish mumkin.

- Xakamlar haqida hozir gapirmoqchi emasman. Ularni ishini baholaydigan tegishli tashkilot bor. Bizning vazifamiz esa o'zimizning jamoa haqida qayg'urishdir.

Komiljon Ikromov yozib oldi.