Mundial oldidan. Javohir Sidiqov: "Yangi Zelandiyaga moslashib bo'ldik"

O'zbekiston yoshlari ilk bahsini 1 iyundan boshlab o'tkazadi. Terma jamoamiz futbolchisi Javohir Sidiqov chempionat oldidan saytimizga fikrlarini bildirib o'tdi.

"Jamoaning kayfiyati juda yaxshi. Yangi Zelandiya bizni juda ham ajoyib kutib oldi. Bu erda ayni vaqtda qish mavsumi va biroz sovuq. Umuman futbolga mos ob-havo desak bo'ladi. Vaqtga va muhitga moslashib bo'ldik" , - deydi Javohir Sidiqov.

"Yurtimizga yorug' yuz bilan qaytish uchun maksimal o'yinni ko'rsatamiz. Hamma chempinatga medal yutamiz deb keladi. Bizda ham shu maqsad. O'ylaymanki termamizda bunga imkoniyat etadi. Raqiblarni o'yini haqida ma`lumotlarga egamiz. SHunga qaramay bu jahon chempionati va hamma bor imkoniyatini ko'rsatadi".

"Tashkilotchilik va tayyorgarlik haqida eng yaxshi fikrlarni bildirib muhim. SHahar kichik va juda ham ko'rkam. Mashg'ulot maydonlarimiz ham barcha qulayliklarga ega. Kamchilik borasida umuman fikr bildirib bo'lmaydi. Birinchi kelgan kunlarimiz taomlari borasida tushunmovchiliklar bo'ldi lekin ayni vaqtda hammasi o'z o'rnida. Mehmonxonamiz stadiondan unchalik uzoqda joylashmagan ekan. Maydon holati bilan hozircha tanishishga muvaffaq bo'lganimiz yo'q".

"Muxlislarimiz qo'llab-quvvatlab turishini his qilamiz. Endi faqat maydonga tushish va natija ko'rsatish qolgan".