Mourino: "Ibragimovich eng yaxshi ekanligini isbotlasa, MYUning asosiy tarkibida maydonga tushadi"

"Zlatan meni yaxshi biladi va men maydonga o'zim eng yaxshi deb hisoblaganlarni tushirishimdan ham xabardor. Doimo shunday qilganman. Agar u eng yaxshi ekanligini isbotlasa, maydonga tushadi. Agar boshqasi unga buni isbotlash uchun imkon bermasa... Hayot shunday. Futbolchilar oldida doimo adolatli bo'lishga harakat qilaman. Har doim ham to'g'ri yo'l tutmasman, biroq shunga intilaman.

Jamoa o'tgan yozga qaraganda ancha kuchaydi. Ibragimovich esa biz uchun hujumdagi yana bir variantga aylandi. U to'qqizinchi yoki o'ninchi raqamning joyida o'ynashi mumkin bo'lgan tajribali futbolchi bo'ldi. Bu mavsum juda ko'p uchrashuv o'tkazishimizga to'g'ri keladi. Agar CHempionlar ligasida va Kuboklarning birida o'sishga erishsak, Lukaku va Rashfordlar bilan chegaralanib qolmaymiz. Bunday hollarda yanvar oyida bizga yana bir hujumchi kerak bo'ladi. Ushbu kamchilikni to'ldirish uchun Ed Vudvord xonasining eshigini taqqilatishga to'g'ri kelardi. Endi bunday qilishim shart emas. Jamoada yana dunyodagi eng yaxshi hujumchilardan biri paydo bo'ldi" - deydi Mourino.