Vadim Abramov: "Dinamo"ning barcha futbolchilari terma jamoada o'ynashga loyiq"

- O'yin haqida fikringiz?

- Avvalo, "Dinamo" Kubokning yarim finaliga chiqqani bilan samarqandlik muxlislarni tabriklayman. O'ylaymanki, o'yindan o'yinga kuchayib boryapmiz va buni bugungi bahs ham ko'rsatdi. Jamoamizda potencial bor, faqat biroz noto'g'ri o'ynayapmiz. Avgust oyida og'ir taqvimni o'tkazdik, lekin bu bilan sinib qolmadik. Raqibni mensimaslik holati kuzatilmadi va futbolchilarimiz bugungi o'yinga jiddiy qarashdi. Bu esa meni xursand qildi.

- Nima deb o'ylaysiz, bu siz uchun "Dinamo"ning ushbu mavsumdagi eng asabiysiz o'yini bo'ldimi?

- Hamma gap shundaki, biz Kubok uchrashuviga jiddiy qaradik. "Sho'rtan"ni esa o'rganib chiqqandik. Ularning "Nasaf" bilan o'yinini ko'rib raqibni o'rgandik. Bugun standartlar yaxshi o'xshadi.

- Anvar Hojimirzaev negadir o'yindan keyin ko'rinmay qoldi?

- Chunki u darhol kiyim almashtirish xonasiga kirib ketdi va keyingi o'yinga tiklanishni boshlab yubordi. Anvar reja bo'yicha ish olib boryapti. U bugun gol urmagan bo'lsa ham yaxshi harakat qildi, xavfli vaziyatlar yaratdi, jamoadoshlariga yordam berdi. Unga hech qanday etiroz yo'q.

- Ratino, Mirahmadov, Hoshimov kabi futbolchilar bugun bahs qaydnomasidan o'rin olmadi?

- Chunki ularning uchalasida ham jarohat bor.

- Marko Stanoevichga nima uchun kam vaqt berilyapti?

- Stanoevich evropalik va evropaliklar uchun bunday issiq juda murakkab. U asosiy tarkib futbolchisi va hali ko'p yordam beradi.

- O'rozovning o'yini haqida fikringiz qanday? Muxlislar Kapadze uning telefon raqamini topa olmayapti, aks holda terma jamoaga chaqirgan bo'lardi deb hazillashishyapti.

- Menimcha, bu savolni Kapadzega bergan maqul. Men esa faqat bir gapni aytishim mumkin, "Dinamo"ning barcha futbolchilari terma jamoada o'ynashga loyiq. Timurning esa o'z qarashlari bor va kimni loyiq ko'rsa o'shani chaqiradi.

- Yarim finalda kim bilan duch kelishni xohlaysiz?

- Kimni yuta olsak, shu jamoa bilan o'ynashni xohlaymiz. Tarix yozishda davom etyapmiz va bundan keyin ham har bir o'yinga jiddiy qaraymiz.