Championat.asia hamda Transfermarkt O'zbekiston Superligasining avgustdagi eng yaxshi murabbiyi va futbolchisini aniqladi
27 avg 18:00
Yangiliklar

Championat.asia hamda Transfermarkt O'zbekiston Superligasining avgustdagi eng yaxshi murabbiyi va futbolchisini aniqladi

So'rovnomada Championat.asia xodimlari hamda Transfermarkt'ning rus bo'limi rahbari Georgiy Lekarev va mehmon ekspert – O'zbekiston terma jamoasi sobiq futbolchisi Baxtiyor Ashurmatov ishtirok etdi.

Ovoz berish natijalariga ko'ra, Vitaliy Levchenko avgust oyida Superliganing eng yaxshi murabbiyi bo'ldi. Uning qo'l ostida "Neftchi" 5 o'yinda 4 g'alabaga erishdi, natijada Farg'ona klubi Superliga peshqadami va O'zbekistonning amaldagi chempioni "Nasaf"ga bir ochko yaqinlashdi. Levchenko 50 foiz ovoz to'plagan bo'lsa, "Qizilqum" ustozi Akmal Rustamov 25 foiz bilan ikkinchi o'rinni band etdi.

Rustam Turdimurodov Superliganing avgust oyidagi eng yaxshi futbolchisiga aylandi. U yozgi transfer oynasida "Andijon"dan "Surxon"ga o'tdi. Hujumchi yangi jamoasi safida 5 o'yinda 4 ta gol urishga muvaffaq bo'ldi. Turdimurodovga rezidentlarning 56 foizi ovoz berdi, ikkinchi pog'onani "Qizilqum" darvozaboni Sanjar Quvvatov (25 foiz) egalladi – u to'rt marta "nol"ga o'ynadi va 5 o'yinda atigi 1 ta gol o'tkazib yubordi.