MLS. “Sietl Saunders” - G'arbiy konferenciya chempioni!

G'arbiy mintaqada butun mavsum bo'yi stabil o'yin namoyish etish asnosida chempionlik poygasida ayovsiz, keskin va qizg'in bahs olib borishgan musobaqaning eng kuchli va irodali jamoalari "Los-Anjeles" va "Sietl Saunders" bosh sovrinni qo'lga kiritish uchun yana bir bor o'zaro bellashib ko'rishdi.

Los-Anjelesliklar hujum chizig'i dahshatli ko'rinish olgan jamoa safida urugvaylik yosh umidli Diego Rossi, mahalliy 24 yoshli forvard Adrien Peres va super hujumchi Evropa maydonlarida toblangan Karlos Vela bor edi. Lekin, bugungi to'qnashuvda ushbu futbolchilar hech qanday karomat ko'rsata olishmadi. Brayan SHmetcer boshchiligidagi mehmonlar tarkibini esa, deyarli yarmini legionerlar tashkil qilishadi. Darvoza chizig'idan ko'zga ko'ringan tajribali kiper Stefan Frey joy olgan. Himoyada Janubiya Koreya milliy terma jamoasi faxriy futbolchisi Kim Ki Xi bor. Yarim ximoyada shveciyalik ajoyib vinger Gustav Svensson harakat qiladi.

Markaziy hujumda perulik Raul Ruidias raqib jamoa darvozasini o'qqa tutishga shay turardi va u bu ishni hal qiluvchi uchrashuvda alo darajada uddaladi. O'yin natijasiga batafsil to'xtaladigan bo'lsak, oldiniga mezbonlar Eduard Atuesta hisobni ochdi. Biroq, oradan olti daqiqa o'tar-o'tmas ko'pchilikka malum va mashhur bo'lgan Raul Gonsalesning adashi Ruidias chiroyli zarbasi bilan muvozanatni tikladi. Keyin hech qancha vaqt o'tmasidan Nikolas Lodeyro jamoasini oldinga olib chiqdi. Tanaffusdan so'ng, los-anjelesliklar ikkinchi bo'limda bor kuchlarini ishga solishdi va raqib jamoa darvozasi tomon “shturm” uyushtirishdi. Ammo, afsuski ikkinchi bo'lim o'rtalarida yana o'sha Raul katta sahnaga chiqdi va o'yinga mantiqiy nuqtani qo'yib berdi.

SHunday qilib, bundan 2 yil muqaddam chempionlikni qo'lga kiritgan ko'hna Vashington shahri jamoasi G'arbiy Konferenciya chempioniga aylandi va MLS taxtiga qaytish uchun ajoyib imkoniyatga ega bo'ldi. 2014 yilda tashkil topgan va hali biron marta finalga chiqmagan “Los-Anjeles” esa, chempionatni qattiq alamlar bilan tark etdi.

Los Angeles FC Eduard Atuesta - 17'

Major League Soccer Playoff . 1/2-tur 30/10/2019, 07:15 3 : 1 Tugadi

Seattle Sounders FC Raul Ruidiaz - 22', Nicolas Lodeiro - 26', Raul Ruidiaz - 64'

Stadion: Banc of California Stadium

45'

90'

17'  Eduard Atuesta

45'  Latif Blessing (Mark-Anthony Kaye)

53'  Brian Rodriguez (Adama Diomande)

77'  Lee Nguyen (Adrien Perez)

22'  Raul Ruidiaz

22'  Nicolas Lodeiro

26'  Nicolas Lodeiro

26'  Joevin Jones

64'  Raul Ruidiaz

64'  Nicolas Lodeiro

64'  Joevin Jones (Jordy Jose Delem)

76'  Jordan Morris (Nouhou Tolo)

81'  Kelvin Leerdam

88'  Brad Smith (Roman Torres)

90'  Nouhou Tolo

Match-senterda ochish

Xondamir Hakimov tayyorladi