Mirjalol Qosimov: "Guruhdan biz va Saudiya Arabistoni chiqsa kerak"

Bu haqda O'FF rasmiy tvitteri xabar berdi.

"Qura natijalari yomon emas. Undan qoniqish hosil qildim. Guruhimizdan qiziqarli jamoalar o'rin oldi. Qiziqarli o'yinlar bo'ladi, ammo guruhdan chiqishimiz shart. Meni nazarimda, "B" guruhidan O'zbekiston va Saudiya Arabistoni chorak finalga chiqadi. Albatta, chorak finalga chiqishga umid qilaman. SHunday bo'lsa Avstraliya yoki Janubiy Koreya bilan o'ynaymiz".

"A" guruhi favoritlari sifatida Avstraliya va Janubiy Koreyani aytgan bo'lardim. Katta ehtimol bilan aynan shu jamoalar guruhdan chiqishadi. Guruh o'yinlarini uchta shaharda o'tkazamiz. Bunda muammo yo'q. Guruh o'yinlari har to'rt kunda bo'ladi, shu bois boshqa shaharlarga borish qiyinchilik tug'dirmaydi. Tashkilotchilar barchasini o'ylab chiqishgan, savollarga o'rin yo'q", - deydi Mirjalol Qosimov.

O'FF matbuot xizmati.