Mirjalol Qosimov: "Hozirgi natijamizni piar qilishning hojati yo'q"

"Uzoq davom etgan birinchi davra nihoyasiga etdi. Bugun shiddatli, qiziqarli, jangovor o'yin bo'ldi. Futbol shunisi bilan qiziq. Birinchi bo'limda barchasini hal qilish kerak edi. Gol urish uchun yaxshi imkoniyatlarimiz bo'ldi, Mateni o'zida ikki martta golli vaziyat yuzaga keldi. Ikkinchi bo'limda darvozamizga kirgan ikkita to'pni biri ajoyib chiqdi, ikkinchisi rekoshetdan urildi. "Buxoro" jamoasiga qoyil qolish kerak, oxirgi o'yinga chiqqandek chiqishdi. Ularni turnir jadvalida egallab turgan o'rni mana shunday kurashishga majbur qilmoqda, ko'proq ochko jamg'arishi lozim. Durang bo'ldi, qaysidir manoda bunga o'zimiz ham aybdormiz. Yo'q joydan ikkinchi golni olib keldik. "Buxoro" qarshi hujumlarda yaxshi harakat qildi. Yigitlarga ham oxirigacha kurashishgani uchun rahmat aytib qolaman.

Fursatdan foydalanib barcha yurtdoshlarimizni Mustaqillik bayrami bilan chin qalbimdan muborakbod etaman. Birinchi davrani mag'lubiyatsiz yakunladik. Bu ham o'ziga yarasha kichkina tarix. Buning uchun futbolchilarimga minnatdorchilik bildiraman. Ular bayram munosabati bilan qisqa fursatli tatilga chiqishdi. Uch yarim kunga dam berdik, futboldan va bir-biridan zerikishi kerak. CHunki, oxirgi to'rtta turda dam olish imkoniyati bo'lgani yo'q. Bazada bo'lib har bir o'yinga tayyorgarlik ko'rdik. Faqatgina Husniddin G'ofurovni olish bilan cheklanmoqdamiz. Menimcha boshqa transfer bo'lmaydi.

Mavsum boshidan beri maqsadimiz o'zgargani yo'q. CHempionlar Ligasiga yo'llanma beradigan o'rinlardan birini egallash, kerakli natijaga erishib muxlislarimizni xursand qilish.

Muvaffaqiyatlarni hech qanday siri yo'q. "To'ydan oldin nog'ora chalmagan maqul". Yilni oxirida sarhisob qilamiz. Albatta mag'lubiyatsiz o'tkazish o'zi bo'lmaydi. Ikkinchi davrada ham jiddiy o'yinlar bor. O'zbekiston kubogida ham oldinga qadam tashlamoqchimiz. Bu erda ortiqcha piar qilishni hojati yo'q. Qachonki oldimizga qo'yilgan maqsadga erishsak o'shanda biror narsa desa bo'ladi.

Albatta, markazlashgan holatda chempionatni vaqtliroq o'tkazish kerak edi. CHunki, hamma joyda o'qimoqdamiz koronavirus bilan bog'liq kasalliklar ko'p. Bu o'zimiz o'ylagandek oddiy shamollash emas. CHunki, o'zimizni yaqinlar, bu kasallikdan qiynalishdi. Kecha yurgan insonlar bugan ko'z yumushmoqda. Bundan buyon hammamiz o'zimizga qarab ehtiyot bo'lib yursak bundan engil chiqamiz. O'zbekiston, butun dunyo koronavirusdan qutulishini istaymiz. Boshida etiborsiz bo'ldik. Masalan o'zimizni futbolchi Igor Zonich 38 kun davolandi. Ikkinchi davrada uy safar tizimida davom ettiriladi. Muxlislarga ham ruhsat berilsa uy safar tizimi yaxshiroq. SHunaqa boshlanadi. Ammo, oxirgi to'rtta turni shunday markazlashgan holatda o'tkazish mantiqqa to'g'riroq bo'lardi.

Suhrob Sultonovning xatolari? "Lokomotiv" bilan o'yinda kutilmagan holatda gol o'tkazib yubordi. Lekin, shunda ham Suhrobga jamoadoshing xato qilsa sen qutqarishing kerak dedim. Bugungi o'yinda ham "Buxoro" juda ajoyib gol urdi. Kutilmagan holatda to'pni tepdi. Bu borada mashg'ulotlarda ishlanadi",- deydi Qosimov.