Messining Oltin to'p-2019 taqdirlash marosimidagi nutqi

“Avvalosi menga ovoz bergan jurnalistlarga tashakkur izhor etaman. Klub va terma jamoadagi barcha sheriklarimga ushbu yilda qayd etgan natijalarimdagi yordamlari uchun rahmat aytaman.

Sizlar ushbu mukofotning bir qismisiz. SHaxsiy va sportdagi hayotim shunday kechayotganidan mamnunman. Yildan yilga yoshim ham katta bo'lib bormoqda. Ammo men hech qachon eng yaxshi bo'lish uchun mehnat qilishdan to'xtamayman. Individual sovrinlar har doim muhim. Biroq ular doimo ikkinchi darajali. Birinchi o'rinda, albatta, jamoaviy maqsadlar, sovrinlar. Bunga erishish uchun har yili harakat qilaman. Hamma sovrinlarni yutish uchun kurashga shaylanaman. Lekin qachondir ularni yutasan, qachondir esa yo'q. O'zim yoqtiradigan, o'zim yaxshi ko'rgan klub tarixining bir qismi bo'lishdan xursandman.

Dunyoning eng yaxshi klublaridan biridan ekanimdan g'ururlanaman. «Oltin to'p»dek sovrinni qo'lga kiritish esa bunday klub nomini yanada yuksaklarga ko'taradi. Bugun va yaqin kunlarda oilam bilan buni bayram qilamiz. Ko'ramiz bizni oldinda yana nimalar kutmoqda ekan”, — deydi Messi.