"So'g'diyona" tarkibini ikki nafar futbolchi bilan kuchaytirdi

Klub tajribali yarim himoyachi Ollobergan Karimov bilan kelishuvga erishdi. Tomonlar o'rtasidagi shartnoma 2026-yil yakuniga qadar mo'ljallangan. Karimov professional faoliyati davomida "So'g'diyona" hamda "Bunyodkor" jamoalari safida to'p surgan, shuningdek, O'zbekistonning turli yosh toifalaridagi terma jamoalarida ham ishtirok etgan.

Shuningdek, "So'g'diyona" yosh futbolchi Tohir To'xtasinovni ham o'z safiga qo'shib oldi. U bilan ham 2026-yil oxirigacha amal qiladigan shartnoma imzolangan. To'xtasinov avvalroq "Bunyodkor" jamoasi sharafini himoya qilgan va O'zbekistonning U-17, U-18 hamda U-20 terma jamoalarida o'ynagan.