Arsen Venger: "Men Kerrikni tabriklashim kerak"

U ketma-ket ikki uchrashuvda nomdor raqiblar – "Manchester Siti" va "Arsenal"ni mag'lub etdi. 

Franciyalik mutaxassisning takidlashicha, odatiy holatlarda "Arsenal" 2:2 hisobida tenglashtirganidan keyin g'alaba qozonishi kerak edi, ammo Kerrikning olib borgan ishi natijasida uch ochko "Manchester Yunayted"ga nasib qildi.

"Menimcha, "Manchester Yunayted"da "Manchester Siti" ustidan qozonilgan g'alaba bilan "Arsenal"ga qarshi qo'lga kiritilgan g'alaba orasida nimadir sodir bo'ldi. Ularning o'yini juda ishonchli edi. "Arsenal" hisobni 2:2 ga etkazganida, odatda bunday uchrashuvlarda mezbonlar g'alaba qozonadi.

Biroq "Manchester Yunayted" yana zaxira kuchlarini topib, uchinchi golni urdi va katta o'yinda safarda 3:2 hisobida g'alaba qozondi. Men Kerrikni tabriklashim kerak. U alohida ahamiyatga ega narsani yaratdi. Jamoa Kerrik bilan himoyaviy barqarorlik va yuqori texnik saviya o'rtasida yaxshi muvozanat topdi.

Birinchi marta "Arsenal"ning markaziy himoyachilari odatdagidan ko'ra biroz asabiyroq edi. Shuningdek, ular bir qancha vaziyatlarda ustunlik qilolmadi", – dedi Venger.