MEKSIKA - KAMERUN 1:0. MATNLI TRANSLYACIYA
13 iyu 2014 22:56
Yangiliklar

MEKSIKA - KAMERUN 1:0. MATNLI TRANSLYACIYA

JCH-2014 "A" guruhi dastlabki turidan o'rin olgan Meksika - Kamerun uchrashuvi matnli translyaciyasini shu erda kuzatib borish mumkin.

MEKSIKA - KAMERUN 1:0
13 iyun. 21:00.
Natal. “Das Dunas” stadioni.
Bosh hakam: Vilmar Roldan (Kolumbiya)
Yordamchi hakamlar: Umberto Klavixo, Eduardo Diaz (ikkisi Kolumbiya)
To'rtinchi hakam: Norbert Xauata (Taiti)

MEKSIKA: 13.Ochoa, 22.Agilar, 2.F.Rodriges, 4.R.Markes, 15.Moreno, 7.Layun, 6.Errera (3. Salsido, 90+1), 23.Vaskes, 18.Guardado (8. Fabian, 69), 10.Dos Santos, 19.Peralta (14. CHicharito, 73)

KAMERUN: 16.Itanj, 2.Assu-Ekotto, 3.Nkulu, 4.Jeugun (5. Nunke, 46), 6.Song (15. Vebo, 79), 8.Mukanjo, 14.SHedju, 18.Eno, 17.M`Bia, 9.Eto'O, 13.CHupo-Moting

Gol: Peralta, 61.

Ogohlantirish: Moreno, 57. Nunke, 77.

MATNLI TRANSLYACIYA
YANGILASH

90+4 - Uchrashuv yakunlandi. Meksika 1:0 hisobida g'alaba qozondi va muhim uch ochkoni qo'lga kiritdi.

90+2 - CHicharito juda qulay imkoniyatni ko'kka sovurdi. U chamasi 7 metrlardan to'pni tepaga tepib yubordi.

90+1 - Meksikada o'zgarish: Errera o'rniga Salsido tushirildi.

90+1 - Ekotoning pasidan so'ng Mukanjo zarba berdi, Ochoa to'pni egallab oldi.

90 - Oxirgi daqiqa o'tyapti.

85 - Meksika g'alabaga juda yaqin turibdi. Kamerunning hujumlari samarasiz tugamoqda.

80 - So'nggi 10 daqiqa boshlandi. Kamerun tavakkal qilib, hujumga o'tishga majbur. Meksikada qarshi hujumlarda imkoniyat yuzaga kelishi mumkin.

79 - Kamerunda o'zarish: Song o'rniga Vebo tushirildi.

78 - Jarima zarbasidan meksikaliklar foydalana olishmadi.

77 - Nunke ogohlantirildi. U jarima maydoni yaqinida Fabianni to'xtatib qoldi.

73 - Meksikada o'zgarish: Peralta o'rniga CHicharito tushirildi

69 - Meksikada o'zgarish: Guardado o'rniga Fabian tushirildi.

66 - Afrikaliklar hujumni kuchaytira olganlaricha yo'q.

61 - CHiroyli hujumdan keyin Dos Santos to'pni tepdi. Itanj to'pni qaytardi va unga birinchi bo'lib etib kelgan Peralta hisobni ochdi. 1:0. Nihoyat, hisob ochildi. Endi Kamerunning javobini kuzatamiz.

61 - GOOOOOOOOOOOOL! MEK-SI-KA!!! "ACTEKS"!!!

58 - Assua Ekotoning zarbasidan keyin to'p meksikalik futbolchiga tegib, ustun yonidan o'tib ketdi. Burchak zarbasidan so'ng himoyachilar to'pni qaytarishdi.

57 - Mbiani qo'pollik bilan to'xtatib qolgani uchun Moreno ogohlantirildi. Xavfli jarima zarbasi.

56 - Tashabbus yana Meksika tarafiga o'tib boryapti. Ehtimol, CHicharitoni maydonga tushirish vaqti kelgandir. Hozircha hujumlar qovushmayapti.

52 - Kamerunlik futbolchilar raqiblariga qarshi qo'pol harakat qilishga tushishdi. Bu ular uchun qimmatga tushmasa bo'lgani.

50 - Ikkinchi bo'limni har ikki jamoa shiddatli kurash bilan boshladi. To'p uchun haqiqiy jang bormoqda.

46 - Kamerunda o'zgarish: Jeugun o'rniga Nunke maydonga tushirildi.

46 - Ikkinchi bo'lim boshlandi.

- Jamoalar ikkinchi bo'limni boshlash uchun maydonga qaytishmoqda.

- Birinchi bo'lim statistikasi:

To'pni egallab turish - 63:37

Zarbalar - 3:4

Aniq zarbalar - 1:0

To'p oshirishlar soni - 235:103

45 - Bo'lim oxirida aytarli holatlar sodir bo'lmadi. Jamoalar tanaffusga golsiz durang bilan chiqib ketishdi.

44 - Dos Santos to'pni qabul qilishda xato qildi. Aks holda, hisobni ochish uchun juda qulay vaziyatga chiqib borgandi.

43 - Meksika terma jamoasi bosh murabbiyi bosh hakamga etirozlarini bildirdi. Kolumbiyalik referi bunga javoban uni tinchlantirdi.

40 - Birinchi bo'lim yakuni zerikarli ko'rinish olyapti. Hujumlar keskin tus olmasdan uzilib qolmoqda.

34 - Guardado Mbiaga nisbatan o'yin qoidasini buzdi.

31 - "Acteklar"ning o'tgan mundialdagi birinchi o'yinida ham gol inobatga olinmagandi. O'shanda Ravshan Ermatov boshchiligidagi hakamlar guruhi to'g'ri qaror chiqargan.

29 - Meksika gol urdi, biroq... Yana OFSAYD! Burchak zarbasi oshirilgandan so'ng darvozabon oldinga chiqmadi va to'p kamerunlik himoyachining boshidan Dos Santosga kelib tushgandi. Bu safar yon hakam xatoga yo'l qo'ydi, aftidan.
29 - Yomg'ir kuchayib bormoqda. Braziliyada ayni paytda qish fasli hukmronligini eslatib o'tamiz.

26 - Guandado jarima zarbasidan to'pni darvoza yaqiniga oshirdi. Markes va Moreno himoyachilar qarshiligidan qochishdi, ammo zarba berishda xatoga yo'l qo'yishdi.

23 - Meksika jarima maydonida parokanda holat yuzaga keldi. Kamerunliklar to'pni darvozaga tepa olishmadi.

21 - Xavfli vaziyat! Assua Ekotoning chap qanotdan yorib kirib, Etooga oshirgan to'pini Samuel darvozaga yo'lladi, lekin to'p ustunga tegib maydon tashqarisiga yo'l oldi. Kamerun hisobni ochishga juda yaqin kelgandi.

18 - Etoo qulay imkoniyatga chiqdi, lekin Moreno unga zarba berishga yo'l qo'ymadi.

16 - Kamerun gol urdi, biroq bu safar ham hujumdagi futbolchilar ofsaydda qolib ketishgandi. Buni takroriy lavhasiz ham yaqqol ko'rish imkoniyati bor edi.

15 - Kamerun burchak zarbasi ishladi. Afrikaliklar birinchi bor Meksika darvoza tomon yaqinlashishdi.
13 - Kamerun himoyasining o'ng qanoti zaif ko'rinmoqda. Meksika shu qanotdan yorib o'tishga intilmoqda.

11 - Jovanni Dos Santos hisobni ochgandi, biroq u to'p oshirilishidan avval himoyachidan o'zib ketgandi. Yon hakam ofsaydni to'g'ri qayd etdi.
- Natalda yomg'ir yog'moqda. Lekin jamoalar harakatlariga tasir ko'rsatadigan darajada emas.

7 - Meksikaning yana bir keskin hujumi! Bu safar ham zarba yo'llashda bu jamoa azolari kech qolishdi. Davom ettirilgan hujumda Peralta o'yindan tashqari holatda qolib ketdi.

6 - Hozirgacha afrikaliklar biror marta raqib jarima maydoniga yaqinlasha olmadilar.

- Kamerun himoyada unchalik yaxshi ko'rinmayapti.

- Meksika xavfli hujum tashkil etdi. Biroq oxirgi pallada to'p oshirilishi aniq chiqmadi. "Acteklar" hozircha faolroq o'ynayapti.

- Uchrashuvni boshlab bergan meksikaliklar to'p bilan nazorat qilish bo'yicha ustunlikni qo'lga olishga intilishmoqda.

- O'yin boshlandi!
- Meksika va Kamerun terma jamoalari maydonga chiqishdi. Endi har ikki mamlakat madhiyalari yangraydi.

- Futbolchilar tonnelda saflanib turishibdi. Bir ozdan keyin jamoalar maydonga chiqib kelishadi.

- "Das Dunas" stadionida bo'sh o'rindiqlar borligi ko'zga tashlanyapti.
- Meksika va Kamerun terma jamoalari o'rtasidagi bahs yana 20 daqiqalardan keyin start oladi.
- Uchrashuv soat 21:00da boshlanadi.

Havola :

Manba : championat.asia

Yangiliklarni Telegramda o'qing!

Reyting: