Maydonda Ronaldu, Beyl va Benzema bo'lganida "Real" "Barselona"ni mag'lub eta olmagan

Taxmin va bashoratlarda kamchiliklar yo'q. Bundan tashqari, ispan OAV "Qirollik klubi" muxlislariga yoqmaydigan bir fakt haqida eslab o'tishmoqda: Gap shundaki, maydonda Krishtianu Ronaldu, Karim Benzema va Garet Beyl birga o'ynagan uchrashuvlarda "Real" hech qachon "Barselona"ni mag'lub eta olmagan. Bu trio uch o'yinda birga asosiy tarkibda maydonga tushgan va uchchala bahsda ham mag'lub bo'lishgan. Beyl "Real"ga o'tganidan beri, poytaxt klubi "Barsa"ni ikki marotaba taslim etgan: Bu Ispaniya Kubogi final uchrashuvida (2013/14, 2:1) va o'sha mavsumdagi 9-tur o'yinida (3:1) sodir bo'lgan. Birinchisida Ronaldu jarohat tufayli maydonga tushmagan, ikkinchisida esa Beyl bahsda ishtirok eta olmagan.