"Maxaradze ishi" yopildimi?
07 sen 2022 02:15
Yangiliklar
![](https://championat.asia/upload/storage/716194_original.jpg)
![](/upload/storage/716194_220.jpg)
"Maxaradze ishi" yopildimi?
Biroz avval "Sports.uz" nashri "temiryo'lchilar" sardori haqidagi malumotlarni sizdirib yuborgan shaxs gaplaridan tonib, feyk tarqatgani va futbolchilarga tuhmat qilganini bildirib, barchadan uzr so'ragani to'g'risida malumot berdi:
"Salom, uzr. Men "Lokomotiv"ning chin muxlisiman. Ularni har bir o'yinini kuzatib boraman. Oxirgi paytlarda ko'p mag'lubiyatga uchragani uchun, g'azablanib shu ishga qo'l urdim. Men O'zbekistondagi barchaga sohta xabar jo'natgan edim. Futbolchilarning rasmlarini internetdan kesib oldim. Yana bir bor barchadan uzr so'rayman!"
Tasdiqlandi
"Loko"ning xitoylik "muxlisi" o'tgan gal o'zini totalizator kantorasi inspektori sifatida tanishtirgan edi. Maxaradze haqidagi xabar OAVga sizib chiqishi bilan "Championat.asia"da qilgan chiqishimda uning hech qaysi bukmeykerga aloqasi yo'qligi haqida yozgandim. Mana, 48 soatdan keyin o'zi ham tan oldi.
Yana qaytaraman: xabarlarni sizdirgan shaxs na muxlis, na inspektor. U mijozlari (futbolchilar)ning o'yiniga nolegal kantoralarda stavka qilib, daromadni ular bilan bo'lishadigan jinoyatchi. O'zaro munosabatlar katta mablag'ga "kuygan" "Loko muxlisi" Kaxini qurbon qilish orqali boshqa sheriklariga tahdid qilgan bo'lishi mumkin.
Nega chekindi?
Hech kim "xitoylik muxlis" nega bir dumalab, ortga qadam qo'yganini tushunmayapti. Bu vaziyatda aqlliroq odamlar shunaqa xulosa qilishi mumkin: "Maxaradze to'g'risidagi malumotlar tarqalganidan keyin ishning ichidagi boshqa sheriklar qo'rqdi va o'rtadagi qarzni uzib, "xitoylik muxlis"ning og'zini yopishdi".
Ammo bu variant ham xato bo'lishi mumkin. Championat.asia'ga malum bo'lishicha, O'FA qoshidagi inspekciya mazkur ish bo'yicha FIFA va OFKning tegishli organlari bilan hamkorlik qilyapti. Xabarni sizdirgan kishi faqat O'zbekiston chempionatiga "stavka" qilmasligi aniqlangan. SHu tufayli xalqaro tashkilotlar uning shaxsiyatini aniqlashga jiddiy tarzda harakat qilyapti. Bu tergovda ishtirok etayotganlar tomonidan "xitoylik muxlis"ga etkazilgan, u shu tufayli chekingan bo'lishi mumkin. CHunki CHin yurtida biznikidan farqli ravishda sportdagi tovlamachilik uchun ham qo'rqinchli jazolar muqarrar.
To'xtash yo'q!
Yuqoridagi bayonotdan keyin muxlislarning kayfiyati tushib ketdi. Ko'pchilik ish shu nuqtada to'xtashi, Kaxi oqlab yuborilishini kutyapti. Bu xil fikrlarga munosabat olish uchun O'FA bilan bog'landik.
"Xavotirga o'rin yo'q! Bu ish hech qanaqasiga to'xtab qolmaydi. Masullar yarim tun bo'lishiga qaramay, hozir ham shu masalada ishlashyapti", — deyildi qo'ng'iroqda.
Kuni kecha Ravshan Ermatov bilan shu mavzuda suhbatlashgan edik. Ravshan aka barcha xotirjam bo'lishi, "Maxaradze ishi" oxiriga etkazilishini tashkilot prezidenti Abdusalom Azizov shaxsan xohlayotganini aytdi.
To'labek Akramov bilan ham doimiy aloqada bo'lib turibmiz. "Loko" rahbariyati ish oxiriga etkazilishini hammadan ko'proq xohlayapti. SHunday ekan, xavotirlanmang. O'FA qoshidagi maxsus inspekciyaga ishonamiz va aybdorlar to'liq jazolanishidan umid qilamiz. Siz ham vaziyatdan chalg'imay, voqealar rivojini kuzatib boring.
Muallifning telegramdagi kanali → FR| futbol ANALIZI
O’xshash yangiliklar
![AMP Logo](https://championat.asia/image/logo-amp.png)
Fikrlar