"Mashal": Tennis. Muvaffaqiyat odimlari

Sport majmuasida muntazam tarzda ushbu sport vakillari xam mashg'ulotlar olib bormoqda. "Mashal" klubi qoshida tashkil etilgan mazkur sport soxalarida xam muvaffaqiyatlarga erishilmoqda. 

Yaqindagina malum bo'lgan xabarga ko'ra , muboraklik yosh tennischi Maqsud Norpo'latov stol tennisi bo'yicha Saida Burxonxo'jaeva murabbiylik qilayotgan O'zbekiston o'smirlar terma jamoasiga jalb etildi. 2001 yilda tug'ilgan ushbu sportchini chinakamiga tennis maktabimiz tarbiyalanuvchisi deb atashimiz mumkin. 

Ayni vaqtda tennis maktabida Sobirjon Rajabov va SHoxrux Kenjaev yoshlarga tennisning sir asrorlarini o'rgatmoqda. Xar kuni bo'lib o'tadigan mashg'ulotlarda 30 ga yaqin maxalliy sportchilar ishtirok etmoqda. Majmua katta tennis va sport tennisiga mo'ljallangan bo'lib, katta tennisda 12 kishi, stol tennisida 15 nafar sportchi shug'ullanib kelmoqda. Bulardan sakkiz nafarini qizlar tashkil etadi. 

Faoliyat boshlaganiga qisqa fursat bo'lgan tennis maktabi dastlabki muvaffaqiyatlariga xam erishib bormoqda. O'tgan yili Buxoroda bo'lgan Respublika xotira turnirida sportchimiz Maqsud Norpo'latov chempionlikni qo'lga kiritdi. O'ylaymizki muvaffaqiyatlar bu bilan to'xtab qolmaydi. Mexnat qilingan joyda xosil xamisha yuqori bo'ladi.