"Mashal": Ko'rikka moldovalik legioner taklif etildi

Bugun "Mashal"ga ko'rikdan o'tish uchun yana bir legioner kelib qo'shiladi. Jamoamizga taklif etilgan futbolchi moldovalik hujumchidir.

Viktor Gonca 1988 yilning 21 sentyabrida Moldavada tug'ilgan. Ayni vaqtda Moldova Oliy ligasining "Veris" klubi futbolchisi hisoblanadi. Xorijiy klublarda faoliyat olib bormagan. O'tgan mavsum "Veris" jamoasi bilan birga chempionatning bronza medallarini qo'lga kiritgan. Mavsumni ikki klubda o'tkazgan hujumchi 2013/14 yilda 9 ta gol kiritib, 8 ta aniq pasni amalga oshirgan. Faoliyati davomida Moldova Oliy ligasida 21 ta to'p kiritgan.

Ushbu legioner bugun tarkibga kelib qo'shiladi va ko'rikdan o'tadi. Agar murabbiylar shtabida iliq taassurot qoldira olsa futbolchi bilan shartnoma imzolanadi.