Marat Bikmaev: "JCHda Braziliya chempion, Rossiya kashfiyot bo'lsa kerak"

- Bundan ikki hafta muqaddam, Germaniyaga borib oyog'imdagi asosiy operaciyani qildirib keldim. U erda 10 kundan ortiq vaqt mobaynida bo'ldim. Xudoga shukur, qiyinchiliklar ortda qoldi va hozirda barchasi yaxshi bo'lib bormoqda - deya gap boshladi Bikmaev.

- Trenajyor zalida indivudial mashklarni boshlab yuborganman. Bugundan esa maydonga chiqib, yakka tartibda yugurishni boshlayman. Nasib qilsa 1-2 oydan keyin umumiy guruh bilan mashg'ulot o'tkazaman - deb qo'shimcha qiladi Toshkentning Lokomotiv klubi azosi.

- Albatta millionlab muxlislar kabi men ham jahon chempionati o'yinlari boshlanishini orziqib kutyapman. Unda qaysi terma jamoaga muxlisliq qilaman? Bilasizmi men uchta terma jamoaga ishqibozlik qilib kelaman. Bular - Braziliya, Argentina hamda Germaniyadir. SHu uchchalasidan biri JCH-2014 g'olib bo'ladi degan umiddaman. Bu borada Braziliyaning imkoniyatini yuqori baholayman. Mezbonlar ushbu yirik musobaqada g'olib chiqishi shart. Ko'pchilik ulardan chempionlikni kutmoqda.

- Futbolchilardan Aren Robben, Luiz Suares va braziliyalik bir qator o'yinchilarga muxlislik qilaman.

- Menimcha musobaqa kashfiyoti Rossiya terma jamoasi bo'lishi mumkin. Bundan boshqa variantlarni ko'rmayapman, hozircha - deya so'zini yakunlaydi Marat Bikmaev.


Islombek Rustambekov suhbatlashdi.