Madrid klubi Adama Traoreni tekinga qo'lga kiritmoqchi

“Atletiko” rahbariyati 27 yoshli futbolchini erkin agent sifatida o'z safiga qo'shib olmoqchi. Traorening “bo'rilar” bilan shartnomasi joriy yoz o'z nihoyasiga etadi.

Futbolchi “Barselona” tarbiyalanuvchisi hisoblanadi. U Angliyada “Aston Villa”, “Midsbro” kabi jamoalar sharafini ham himoya qilgan. 2022 yil yanvarida esa “Barsa”ga qaytdi va ijara asosida iyungacha o'ynadi. Kataloniyaliklarda Traoreni 30 mln evroga sotib olish huquqi bor edi, ammo ular bundan foydalanmadi.

Ispaniyalik joriy mavsum APLda 21 bahsda qatnashib, 1+1 natijaga erishdi. U 2018 yil avgustidan beri “Vulvz” sharafini himoya qilib kelmoqda.