Lyubinko Drulovich: "Janubiy Koreya olimpiya termasi bilan o'yin har ikki jamoa uchun ham foydali bo'ladi"
11 okt 2019 09:58
Yangiliklar
![](https://championat.asia/upload/storage/522918_original.jpg)
![](/upload/storage/522918_220.jpg)
Lyubinko Drulovich: "Janubiy Koreya olimpiya termasi bilan o'yin har ikki jamoa uchun ham foydali bo'ladi"
Mazkur o'yin oldidan O'zbekiston olimpiya terma jamoasi ustozi Lyubinko Drulovich o'z fikr va mulohazalarini bildirib o'tdi:
- Osiyo chempionatiga hozirlik jarayonini davom ettiryapmiz. Tayyorgarlik doirasida bir qator yaxshi saviyadagi raqiblar bilan o'rtoqlik o'yinlari tashkil etilmoqda. Mana oldinda Osiyoda o'z o'rniga ega bo'lgan Janubiy Koreya olimpiya termasi bilan 2 ta o'yin turibdi. To'g'ri, biz ushbu terma jamoa bilan qita chempionatida bir guruhdan o'rin oldik. Lekin mazkur o'rtoqlik o'yinini o'tkazish bo'yicha biz quradan ancha avval kelishib olgan edik. Ishonchim komil, Janubiy Koreya olimpiya terma jamoasi bilan bo'ladigan o'yinlar biz uchun ham, o'z navbatda raqib uchun ham foydali bo'ladi. Tarkibdagi futbolchilar harakatiga baho berish imkoniga ega bo'lamiz, qolaversa qaysi jihatlar ustida yanada ko'proq ishlash zarur ekanini bilib olamiz.
Ushbu yosh toifasida terma jamoalarimiz oldin ham to'qnash kelgan. Lekin oldingi o'yin bilan solishtirganda tarkibda ayrim yangi o'yinchilar bor. Hozirgi tarkibimizning, misol uchun, Osiyo o'yinlarida qatnashgan tarkibdan farqi bor.
Umuman olganda, oldindagi o'rtoqlik o'yini har ikki terma jamoa uchun ham foydali bo'lishiga aminman, - dedi serbiyalik murabbiy.
O’xshash yangiliklar
![AMP Logo](https://championat.asia/image/logo-amp.png)
Fikrlar