Lukaku: “Jazoir bilan o'yin, qaysidir tomondan Tunis bilan bo'lgan bahsga o'xshaydi”

“Biz 12 yildan beri katta turnirlarda ishtirok etganimiz yo'q. Biz jahon chempionatidamiz va barchaga yaxshi futbol o'ynay olishimizni ko'rsatishga umid qilmoqdamiz. Biz katta bosim his qilyapmiz, jamoamiz yoshlardan iborat. Biz o'zimizga ishonamiz. To'rt yil ichida jamoamiz yaxshi shakllandi. Turnirga tayyorgarlikni Belgiyadanoq boshlaganmiz. Biz belgiyalik ekanligimizdan va mundialda o'z vatanimiz bayrog'ini himoya qilishdan faxrlanamiz.

Jahon chempionatida biz Ronaldo, Terri Anri, Zinedin Zidan kabi futbolchilardan ilhom olamiz. Ularning bari mundialda ishtirok etgan.

Jazoir bilan o'yin qaysidir tomondan Tunis bilan bo'lgan bahsga o'xshab ketadi, ammo Jazoir futbolchilarining darajasi balandroq. Biz bu o'yinga tayyormiz. Bu uchrashuvda yaxshi natija ko'rsatishga tayyormiz. Hammasi qo'limizdan kelishiga ishonaman”, – deydi Lukaku.