Lui van Gal: “7:0 hisobidagi g'alaba bizga ishonch beradi”

“Futbolchilar ajoyib o'yin o'tkazishdi. Mashg'ulotlarimizga qarab bizdan yaxshi natija kutishingiz mumkin, ammo 7:0 emas. Bu quvonarli syurpriz. Bizda chiroyli gol va hujumlar bo'ldi.

Natija har doim kerak. 7:0 hisobidagi g'alaba jamoaga ishonch beradi. Biz yangi tizim bo'yicha ishlashni boshladik va ikki bor mashg'ulotlarda sinab ko'rdik.

Bugun maydonga chiqqanlarning 10 nafari bir hafta oldin tatilda edi. Ular hozir ko'rsatmalarni to'g'ri qabul qilishyapti va yaxshi ishlashyapti.

Seni jamoang yangi tizimda o'ynasa, yutqazgandan ko'ra 7:0 hisobida yutgan yaxshi. Agar o'zgacha bo'lganida, futbolchilar bu tizimga ishonmaganlarida, bizda muammolar bo'lar edi” – deydi van Gal.