"Lokomotiv": OCHL. Raqiblarimizda nima gap?

"Lokomotiv": OCHL. Raqiblarimizda nima gap?
31 mar 2015 11:03
Yangiliklar

2. Al Sadd

3. Al Jayish

4. Qatar SK

Toshkent, 31 mart - O'z tarixida ilk bor OCHL guruh bosqichida ishtirok etayotgan "Lokomotiv"ni oldinda yana uchta o'yin kutib turibdi.

Vadim Aramov shogirdlari avvaliga 8 aprel kuni "Al Sadd"ni qabul qilishadi, keyin "Al Hilol" Toshkentda mehmon bo'ladi (21 aprel) va guruhning oxirgi bahsini "Lokomotiv" safarda "Fulad"ga qarshi o'tkazadi (5 may).

4-tur. 8 aprel

"Lokomotiv" - "Al Sadd"

Qatarninrg "Al Sadd" klubi 17 mart kuni "Lokomotiv"ga qarshi bahs o'tkazganidan so'ng milliy chempionat doirasida "Al Xor" bilan bellashdi. 22 mart kuni bo'lib o'tgan o'yinda "Al Sadd" 5:1 hisobida g'alaba qozondi. Gollar: Talal Al Blushi, Yusef Ahmad, Muriki (2ta), Meshal Al SHammari. Jamoa Toshkentga kelishidan oldin o'z maydonida "Al Garafa" bilan kuch sinashadi. Bu o'yin 4 aprelda o'tkaziladi. "Al Sadd" Qatar chempionatida hozircha ikkinchi o'rinda ketyapti. CHempionat tugashiga esa uch tur qoldi.

5-tur. 21 aprel

"Lokomotiv" - "Al Hilol"

"Al Hilol" Saudiya Arabistoni Pro ligasida to'rtinchi o'rinni egallab turibdi. Jamoa peshqadam "Al Nasr"dan etti ochko orqada bormoqda. "Al Hilol" 17 mart kuni "Fulad" bilan durang o'ynaganidan so'ng safarda "Al SHabab" mehmoni bo'ldi va 1:0 hisobida g'alaba qozondi. Yagona gol jarohatini davolab yana safga qaytgan Nosir Al SHamroni hisobiga yozildi. 4 aprel kuni "Al Hilol" yana safarda o'yin o'tkazadi: "Al Taavon"ga qarshi. 8 aprelda esa jamoa o'z maydonida "Fulad"ni qabul qiladi.

6-tur. 5 may

"Fulad" - "Lokomotiv"

Eronning "Fulad" klubi 17 mart kuni o'z maydonida "Al Hilol" bilan 0:0 hisobida durang o'ynaganidan beri hali boshqa rasmiy o'yin o'tkazgani yo'q. CHunki mamlakatda Navro'z bayrami keng nishonlandi. Bundan tashqari, milliy terma jamoa yig'ilgani bois klublar dam olishdi. "Fulad" 3 aprel kuni o'z maydonida "Istiqlol" bilan kuch sinashadi. SHundan keyin jamoa Saudiya Arabistoniga safar qilib, "Al Hilol"ga qarshi to'p tepadi. "Fulad" milliy chempionatda 5-o'rinni egallab turibdi.