Superliga. "Xorazm" – "Surxon". Prevyu

Ikkinchi davrani transferlar oynasida kuchayishga erishgan "Xorazm" birinchi davradagi singari g'alaba bilan boshladi. Tarkib borasida esa "Xorazm" yurgan yo'lga qarama-qarshi yurgan "Surxon" ishtirokidagi o'yinda esa muxlislar kinotomoshabinlar tilidan tushmaydigan rejissyorning filmlaridan biriga o'xshash kartinaga guvoh bo'lishdi – unda na prolog-epilog, na kulminaciya, na echim ko'zga tashlandi.

Jamoalarning Superliga doirasida to'qnashuvlari soni ikkita bir raqamini tashkil etadi. Ularning to'rttasida "Xorazm" ustun kelgan bo'lsa, yana shuncha bahsda kuchlar teng kelgan. "Surxon"ga g'alabalar bobida xuddi shunday natijaga erishish uchun bitta muvaffaqiyat kamlik qilmoqda. To'plar nisbatida esa Almopishning nabiralari bitta farq ustunlikka ega: 13-12.

Birinchi davradagi o'zaro qarama-qarshilida "Xorazm" "Surxon" maydonida 2:0 hisobida ustun keldi.

Taxmin. Turnir jadvalida bir-biridan nisbatan uzoq bo'lmagan jamoalar bellashuvi kurashlarga boy o'tishi tabiiy. Cho'qqiga chiqishda orqadan borayotgan alpinistdan oldindagi qiyinroq bo'ladi, sababi, u qulay yo'lni qidirish bilan bir qatorda, ortidan kelayotgan raqibi oyog'idan tortib qolmasligidan xavfsiraydi. Menimcha, ushbu turda ortda borayotgan "Xorazm" qo'lidan kelganini qilib, "Surxon"dan oldinga o'tib olish harakatini bajarsa kerak.