Leonardo: “Mbappe va Neymar yozda jamoani tark etmaydi”

“Ular jamoani tark etishi mumkinligi haqidagi xabarlar hech qanday ahamiyatga ega emas. Futbolchilarning shartnmomasi yana ikki yil amalda bo'ladi va biz uni yana uzaytirish haqida o'ylayapmiz. Biz oldinga intilishda davom etamiz.

Mbappe – PSJning kelajagi. U bilan shartnomani uzaytirolsak ajoyib ish bo'lardi. Barcha buni xohlamoqda. Kilian dunyoning eng yaxshi beshta futbolchisidan biri hisoblanadi. Messi va Ronaldu 32 va 35 yoshda. Neymar va Mbappe 28 va 21 yoshni qarshi olishdi va ular bizning jamoada. Biz bu ikki futbolchi bilan uzoq yillar hamkorlik qilish niyatidamiz

Neymar “Barselona”ga o'tadimi? Biz bu haqda ko'p gapirmadik. U ajoyib mavsumni o'tkazdi va o'zini jamoada baxtli his qilmoqda”, deya Leonardoning so'zlaridan iqtibos keltirmoqda Goal.com Journal du Dimanche nashriga tayanib.