Lempard Ryudigerning "Tottenxem"ga o'tishi borasidagi xabarlarni rad etdi

"Yo'q, ayni damda Ryudiger hech qaerga ketmaydi", - dedi Lempard.

Xabarlarga ko'ra, "shporlar" 27 yoshli futbolchini transferlar oynasi so'nggiga qadar tarkibga jalb qilishmoqchi. Ryudigerning xizmatlariga shuningdek "Pari Sen-Jermen", "Barselona" va "Roma" klublari qiziqmoqda.

Ryudiger "CHelsi"ga 2017 yilning yozida "Roma"dan 35 million evro evaziga o'tgan edi. Himoyachi o'tgan mavsum APL doirasidagi 20ta o'yinda maydonga tushib, 2ta gol urdi va 1 bor o'z darvozasini ishg'ol qildi. Nemis futbolchisiinng Angliya klubi bilan tuzgan shartnomasi 2022 yilning yoziga qadar mo'ljallangan.