La Liga. Ramos "el klasiko"da "Real"ni mag'lubiyatdan qutqarib qoldi
03 dek 2016 22:05
Yangiliklar
![](https://championat.asia/upload/storage/229712_original.jpg)
![](/upload/storage/229712_220.jpg)
La Liga. Ramos "el klasiko"da "Real"ni mag'lubiyatdan qutqarib qoldi
Uchrashuv keskin kurashlar ostida o'tdi. O'yinnig 53-daqiqasida "Barselona" jarima zarbasidan unumli foydalandi. Neymar tomonidan oshirib berilgan to'pni Luis Suares boshi bilan darvozaga joyladi va o'yinda hisobni ochdi - 1:0.
SHundan so'ng "Barselona" uchrashuvda tashabbus bilan o'ynadi. Kataloniyaliklar o'yin davomida bir qator imkoniyatlarga ega bo'lishdi. Xususan Neymar va Messida gol urish uchun qulay vaziyatlar yuzaga kelgandi. Ammo "Barselona" hujumchilari ushbu imkoniyatlardan unumli foydalana olishmadi.
Uchrashuvning oxirgi daqiqasi o'tib borayotgan bir pallada "Real" jarima zarbasi tepish huquqini qo'lga kiritdi. Luka Modrich tomonidan amalga oshirilgan jarima zarbasidan so'ng Ramos boshi bilan darvozani aniq nishonga oldi va muvozanatni tikladi - 1:1.
SHundan so'ng "Barselona" hakam tomonidan qo'shib berilgan daqiqalarda g'alabani ilib ketishga ham yaqin kelgandi. Ammo Kazemiro "Real"ni juda qiyin pallada joniga oro kirdi. Aynan ushbu futbolchi darvozaga kirib ketayotgan to'pni darvoza chizig'i ustidan qaytarib qolishga muvaffaq bo'ldi.
SHu tariqa ushbu "el klasiko" murosa bilan yakun topdi.
Ispaniya chempionati, 14-tur. Turnir jadvali.
Barselona – Real Madrid 1:1
Kamp Nou
Gollar: Luis Suares (53), Serxio Ramos (90)
Barselona – ter Stegen, Suares, Pike, Alba, Buskets, Maskerano, Rakitich (Inesta, 60), Serdji Roberto, Andre Gomesh (Turan, 78), Neymar (Suares, 87), Messi.
Real Madrid – Navas, Varan, Marselo, Karvaxal, Ramos, Kovachich (Dias, 86), Modrich, Isko (Kazemiro, 66), Vaskes, Ronaldu, Benzema (Asensio, 77).
Ogohlantirishlar: Isko (13), Neymar (28), Suares (75), Karvaxal (80), Buskets (83), Maskerano (89).
O’xshash yangiliklar
![AMP Logo](https://championat.asia/image/logo-amp.png)
Fikrlar