La Liga. "Barselona" g'alaba qozondi, lekin bu natijaga osonlik bilan erishilmadi
23 noy 2019 18:55
Yangiliklar
![](https://championat.asia/upload/storage/530390_original.jpg)
![](/upload/storage/530390_220.jpg)
La Liga. "Barselona" g'alaba qozondi, lekin bu natijaga osonlik bilan erishilmadi
Birinchi bo'limda En-Neseri gol urib, "Leganes"ni oldinga olib chiqqan bo'lsa, Suares va Vidalning aniq zarbasi "Barselona"ga g'alaba keltirdi.
Leganes Youssef En-Nesyri - 12' |
LaLiga . 14-tur 23/11/2019, 16:00 2
:
1
Tugadi
|
Barcelona Luis Suarez - 53', Arturo Vidal - 79' |
Stadion: Estadio Butarque, 9465 tomoshabin
Bosh hakam: Jaime Latre
LEGANES — BARSELONA 1:2 (1:0, 0:2)
23 noyabr, 17.00, «Butarke»
Gol: En-Neseri (assist: Mesa) 12, — 1:0, Suares (assist: Messi) 53, — 1:1, Vidal 79, — 1:2.
"Leganes" – Kuelyar, Bustinsa, Omeruo, Silva, Siovas, Mesa, Ruben Peres, Oskar Rodriges (Eraso, 61), Rosales, Breytueyt, En-Nesiri.
Zaxira: Avazim, Tarin, Karrilo, Ruybal, Arnais, Soriano."Barselona" – ter Stegen, Vage, Pike, Umtiti, Firpo, de Yong (Fati, 70), Buskets (Rakitich, 57), Dembele, Suares, Grizmann (Vidal, 57), Messi.
Zaxira: Netu, Morer, Arauxo, Alenya.
Ogohlantirishlar: Mesa (20), Buskets (32), Vidal (90).
TUGADI. "Barselona" bugungi bahsda qiynalgani bor gap, ammo muhim 3 ochkoni qo'lga kiritdi.
— UCHRASHUVGA 4 DAQIQA QO'SHIB BERILDI!
90. Arturo Vidal sariq kartochka oldi.
85. Hurmatli saytimiz foydalanuvchilari! Bu bir o'yin. Yutqazsa ham, yutsa ham baribir hammasi o'tkinchi! O'zaro hurmatni saqlaylik! Qora ro'yxatga tushib qolib hayron bo'lmang, tag'in! O'yinni kuzatishda davom etamiz...
81. GOL, 1:2. Vidalning goli hisobga olindi. Burchak zarbasidan keyin "Leganes" himoyachisining oyog'iga tegib Arturoga borgan to'p oxiri darvozadan joy olgandi.
79. "Barsa" burchak zarbasini golga aylantirdi! Ammo, hakam VARga murojaat qilmoqda! Kutamiz...
77. Ha aytgancha, hamyurtimiz Odil Ahmedov to'p tepayotgan jamoa (SHanxay SIPG) asosiy raqibi maydonida mag'lubiyatga uchradi, Mourino esa avtobus o'yinini yo'qotgan ko'rinadi>>>LIVE
73. Do'stlar uxlab qolmadingizmi??? Ochig'i shunday o'yin bo'lmoqdaki, ikkala jamoa ham xuddi vaqtimizni o'g'irlashayotgandek! Odam zerikdi boruuu!
70. O'zgarish. "Barselona" 17 yoshli Fatini maydonga tashladi, de Yong olinmoqda.
66. Yaxshi imkoniyattt! Maydon egalari chap qanotdan tashkil etgan hujumni Ruben Peres bosh bilan zarbasi orqali muvaffaqiyatli yakunlay olmadi.
63. Firpo to'pni bemaqsad balandga tepib yubordi. Bu uzatmamidi yoki zarba?!. Bir nima deyish ham qiyin.
61. O'zgarish "Leganes" safida: Oskar o'rnini Eraso to'ldirdi.
57. O'zgarishlar. "Barselona". Buskets o'rniga Rakitich, Grizmann o'rniga Vidal tushirildi.
53. GOL, 1:1. Hisob tenglashdi. Luis Suares jarima zarbadan uzatilgan Messining sovg'asini "labbay" deya qabul qilib oldi va joriy mavsum La Ligadagi gollari sonini 7taga etkazib qo'ydi. Bu erda mezbonlar Messidan zarba kutishgandi, Leo esa ajoyib pasi orqali himoyachilarni shoo'irib qo'ydi. Daraja baribir bilinib turibdi. Valverdeni shu futbolchilar jar yoqasidan qutqarib qolishdan charchashmayapti.
46. Ikkinchi bo'limni "Barselona" boshladi! Gollar urishni qachon boshlarkin-a?!
VALVERDE HAQIDA QISQACHA...
TANAFFUS
45. Birinchi bo'limda kataloniyaliklarning hujumlari o'xshamadi, Messining paslari chiqmadi. Qarshi hujumlarda maydon egalari bir necha bor xavfli vaziyatlar yaratishdi. Hisob o'zgarmadi. Hozircha 1:0.
37. Hozircha La Liganing eng so'nggi o'rnidagi jamoa musobaqa peshqadamidan ustun kelmoqda, hisobda! Valverde La Ligada ham, ECHLda ham jamoasi bilan yaxshi ketmoqda. SHunday tuyulyapti hammaga. Lekin, o'yin borasida "Barsa" juda va juda qiynalayotganini ko'rib turibmiz. Har turda, har o'yinda. Muxlislar ham yurak xovuchlab o'tirishga majbur bo'lishmoqda.
32. Ogohlantirish. Buskets jazolandi. Hakam birinchi bo'lib qizil kartochkani cho'ntagidan olganida, Serxioning yuragi qinidan chiqib ketiii dedi-kuuuu o'ziyam!
31. Suaresssss! Yaxshi imkoniyatdan unumli foydalana olmadi. Aniqrog'i, Luisning bosh bilan bergan zarbasini darvozabon Kuelyar qaytardi.
20. Mesa Messiga qarshi o'yinda qo'pol o'ynadi va hakam unga sariq kartochka ko'rsatdi!
16. Pike va Buskets nimalar qilishyapti?! Ularning xatosini Oskar kechirdi, to'p darvozaning yon tarafidan joy oldi. Tan olaylik, Pike ham Buskets ham qariyapti. Avvallari (5 yil oldin) ular raqib hujumini "eb qo'yishardi". Ayni paytda ko'plab xatolar, "qovun tushirishlar" Jerar hamda Serxioda ham bo'lib turibdi.
12. GOL, 1:0! Mezbonlar safida En-Nesiri darvozani aniq nishonga oldi va jamoasini oldinga olib chiqdi.
5. Etibor bering! Bugungi uchrashuvda Kataloniya klubi 4 nafar hujumchi bilan o'ynamoqda. Messi orqaroqda, Grizmann o'ng qanotda, Dembele chapda va Suares hujum markazida!
1. UCHRASHUV BOSHLANDI!
ASSALOMU ALAYKUM QADRLI FUTBOL ISHQIBOZLARI! BUGUNGI EVROFUTBOL OQSHOMINI LEGANES – BARSELONA UCHRASHUVI OCHIB BERADI. ZAVQLANING, ORZU QILING, BIZNI KUZATING!
USHBU JUFTLIK BUGUN NECHTA GOL URISHADI? BUNGA JAVOBNI YAQIN 2 SOAT ICHIDA BILIB OLAMIZ!
MUALLIF: NODIR ABDURASULOV
O’xshash yangiliklar
![AMP Logo](https://championat.asia/image/logo-amp.png)
Fikrlar