Komiljon Mirzaboev OAV bilan uchrashadi
01 apr 2014 11:12
Yangiliklar

Komiljon Mirzaboev OAV bilan uchrashadi

Xabaringiz bo'lsa kerak, yaqinda mustaqil jurnalist Farhod Norbo'taevning "Yomg'irdan qochib do'lga tutilgan "Neftchi" maqolasidan so'ng o'zbek futboli jamoatchiligida turli xil gap-so'zlar urchiy boshladi.

Bu borada hamma o'z shaxsiy fikrini bildirib o'tdi. Maqolaning tasir kuchi yuqori bo'lganligi uchun ham Neftchi matbuot xizmati mazkur maqola yuzasidan raddiya yozishini malum qilgandi. SHundan so'ng ko'pchilik ikkinchi tomonning fikrini bilishga qiziqdi, "Neftchi" rasmiy saytida raddiyani chiqishini intiqlik bilan kutmoqda. Lekin hanuzgacha maqola chiqmayapti. Klub matbuot kotibi Abror Dehqonovning aytishicha Farhod Norbo'taev maqolasiga raddiya yozilmaydigan bo'ldi.

Uning o'rniga "Neftchi" klubi raisi Komiljon Mirzaboev ushbu maqola yuzasidan OAV xodimlari bilan uchrashib, ularning savollariga javob berishni maqul topgan. SHu bois "Neftchi" klubi matbuot xizmati bugun OAVda mehnat qilayotgan barcha jurnalistlarni ushbu ochiq muloqotga taklif qiladi. Mazkur matbuot anjumani bugun soat 15:00da Farg'onadagi tadbirkorlar palatasining anjumanlar zalida o'tkazilishi haqida malumot berildi.

Havola :

Manba : championat.asia

Yangiliklarni Telegramda o'qing!

Reyting: