Kloppning shaxsan o'zi Amrabat bilan futbolchining “Liverpul”ga transferi bo'yicha muzokaralarni boshladi

Violanews xabariga ko'ra, germaniyalik mutaxassis 26 yoshli futbolchi bilan shaxsan bog'lanib, uni ingliz klubi bilan shartnoma imzolashga ko'ndirgan. Qayd etilishicha, “Fiorentina” futbolchi uchun kamida 30 million evro olgan taqdirda, u bilan xayrlashishga tayyor.

Futbolchi 2020 yilning yozidan buyon "Fiorentina"da o'ynamoqda, uning shartnomasi 2024 yilning iyunigacha amal qiladi. Transfermarkt portali futbolchini 30 mln evroga baholamoqda.

Amrabat 2022/23 yilgi mavsum barcha musobaqalarda 49 ta o'yinda maydonga tushib, 1 ta golli uzatmani amalga oshirdi.