Keyingi yil "Navbahor"ga yangi murabbiy keladi? Andrey Kanchelskis munosabat bildirdi

"O'yin haqida qisqacha? Qisqasi mag'lub bo'ldik, "Bunyodkor"ni g'alaba bilan tabriklayman. Afsuski birinchi davradagi o'zaro o'yinda bo'lgani kabi chiroyli bahs bo'lmadi. Hayot davom etadi. Keyingi "Lokomotiv" bilan o'yinga tayyorgarlikni boshlaymiz.

Bizga futbolchilar etishmayapti. Men klubdan ketayotganimda 3-o'rinda edik, qaytganimda 6-o'rinda edik. O'runovni sotib yuborishdi, Abdujamol Isroilovning oyog'i sindi, Azim Ahmedov jarohat oldi, Lukichning oyog'i sindi... Hozir tarkibimizda bor futbolchilardan minnatdorman. To'g'ri qaerdadir mahorat etishmayapti. Hech nima qila olmaymiz. Agar yuqoridagi barcha futbolchilar bo'lganida boshqacha o'yin bo'lardi. Agar zaxiradan maydonga tushib o'yinni kuchaytira oladigan futbolchi bo'lmasa faqat baqirish mumkin xolos. Bu erda barchasi ochiq oydin ko'rinib turibdi.

Bu yil mendan aniq bir natija talab etishmagandi, to'g'ri biz g'alaba qozonishni teparoqda bo'lishni istagandik. Asosiy etibor keyingi yilga edi. Ammo ketma-ket g'alabalardan keyin sovrinli o'rinlar haqida gapirishni boshlashgandi. Futbolchilarsiz natija qo'lga kiritish juda qiyin. Bundan tashqari tashqi tasirlar ham bor, o'zingiz ko'rdingiz...

Futbol bu ijodiy o'yin, bizga kuch etishmadi, qo'rqdik. Biz talab qilayapmiz, ammo futbolchilar maydonda o'ynashadi-ku. Bu erda ko'p gapirishimiz mumkin, ammo barchasi maydonda hal bo'ladi. Zarba bermadik, demak xohlashmadi, uddalay olishmadi. Hozir jamoada bor futbolchilar bilan ishlayapmiz, ular maydonga tushib oxirigacha kurashishmoqda.

"Navbahor"da yangi mavsumda yangi murabbiy bo'lish haqida mish-mishlar yuribdi? Mening klub bilan shartnomam bor. Yashayversak ko'raveramiz", - deydi Andrey Kanchelskis.