Kamo Gazarov: "Nasib qilsa "Paxtakor"ni engib Buxoro xalqiga bayram taqdim etamiz"

"Kecha juda qiyin kechgan bahsda g'alaba qozonganimizdan xursandmiz. Raqib tarkibida turli terma jamoalar safida harakat qiluvchi futbolchilar bo'lishiga qaramay, shogirdlarim uchrashuv davomida ustunlik qilishdi va shu sababli bugun haqli g'alabaga erishdik. Bugun darvozabonimiz va himoyachilarimiz yaxshi harakat qilishdi, yarim himoya va hujum chizig'imizdan bugun ko'nglim to'lmadi. SHunga qaramay yigitlarga bugungi o'yin uchun rahmat aytaman.

Asosiy tarkib futbolchilarimizdan ham albatta g'alaba kutyapman. To'g'ri, raqibimiz kuchli jamoa, lekin biz ham ulardan kam emasmiz. Futbolchilar bu o'yinga jiddiy masuliyat bilan yondashishyapti. Nasib qilsa Buxoro xalqi uchun bayram taqdim eta olamiz", - deydi Kamo Gazarov.