Kamerun - Braziliya 1:4. MATNLI TRANSLYACIYA

JCH-2014. "A" guruhi, 3-tur.

Kamerun - Braziliya 1:4
24 iyun. 01:00
Bosh hakam: Yunas Eriksson (SHveciya)
Yordamchi hakamlar: Matias Klasenius (SHveciya), Daniel Varnmark (SHveciya)
Zaxira hakami: Sveyn Oddvar Mun (Norvegiya)

Gol: Neymar, 17 - 0:1. Matip, 26 - 1:1. Neymar, 33 - 1:2.Fred, 49 - 1:3.Fernandino, 84 - 1:4.
Kamerun: 16.Itanje, 3.Nkolou, 7.Nguemo, 8.Mukanjo (Salli, 58), 10.Abubakar (Vebo, 72), 12.Bedimo, 13.CHupo-Moting (Makun, 80), 17.Mbia, 18.Eno, 21.Matip, 22.Nyom.

Braziliya: 12.Julio Sezar, 2.Dani Alvesh, 3.Tiago Silva, 4.David Luiz, 6.Marselo, 7.Xalk (Ramires, 62), 8.Paulino (Fernandino 46), 9.Fred, 10.Neymar (Villian, 71), 11.Oskar, 17.Luiz Gustavo.

Ogohlantrishlar: Eno 12, Salli 75, Mbia 80



                               MATNLI TRANSLYACIYA
                                          YANGILASH

Bahsni biz bilan birga kuzatib borganlarga rahmat. Aynan Sizga ha sizga alohida tashakkur!

90+4. O'YIN TUGADI! Braziliya yirik g'alabaga erishdi va keyingi bosqichga yo'llanma oldi. Ularga qo'shilib Meksika ham 1/8 finalga chiqdi.

90+2. Villian! Uning zarbasidan so'ng soqoli uzuuun bo'lgan posbon to'pni qaytardi.

90. O'yinga 4 daqiqa qo'shib berildi.

88. Bahs tugab bormoqda. Kamerun muxlislari bor bo'lsa mag'lubiyatdan xafa bo'lishmasin. Bu oddiy bir o'yin. Uni hayotga ko'chirish shart emas. Bugun mag'lub bo'lsangiz ertaga albatta yutasiz! Bunga ishonish kerak xolos.

88. Negadir ayrim futbolchilar indamay standartlarni almashishmoqda. 

87. Narigi uchrashuvda Xorvatiya bitta javob to'pini kiritdi - 1:3.

84. Oskardan to'pni qabul qilib olgan Fernandino darvozani ishg'ol qildi - 1:4.

84. GOOOOOOOOOOOOOOOOOOOOOOOOOOL. Braziliya ham nimchorak finalda! Fernandino!

82.Xavfli vaziyat! Braziliya jarima to'pini amalga oshirdi, qaytgan to'pni David Luiz darvozaga yo'lladi, Veboning kal boshiga to'p kuchli zarb bilan tegdi va futbolchini nokautga uchratdi

81.Meksika nimchorak finalda! 0:3. O'yin tugab bormoqda.

80. O'zgarish. Kamerun. CHupo Moting o'rniga Makun tushdi

80. Ogohlantirish. Kamerun. Stefan Mbia Luis Gustavoni yiqitgani uchun

79. Fredning zarbasi noaniq ketdi. Oq va qorani ajratib olgan hujumchi bu Fred deganlari. Bugun gol urdi

76. Villian chap qanotdan to'pni sheriklariga oshirdi, himoyachilar bu erda akbar choy ichib o'tirishgani yo'q, ular ham futbol o'ynashmoqda. To'p qaytarildi

75. Ogohlantirish. Kamerun. Salli

73. Narigi uchrashuvda Meksika ikkinchi golni urdi. Guardado gol muallifi!

72. O'zgarish. Kamerun. Abubakar o'rniga Vebo maydonga tushdi

71. O'zgarish. Braziliya. Neymar o'rniga Villian tushdi

71. Narigi o'yinda Meksika gol uribdi. Rafael Markes boshi bilan darvozani ishg'ol qildi. Hozircha Meksika oldinda.

70. Neymar maydonni tark etmoqda...

66. Braziliyaning tezkor hujumi! Neymar oldinga borayotganida o'yindan tashqari holatda qolib ketgan ekan

63. O'zgarish. Braziliya. Xalk o'rniga Ramires tushdi

62. Kamerun gol urishga yaqin kelmoqda, Braziliya himoyasida bo'shliqlar paydo bo'lmoqda.

59. Narigi o'yinda hozircha 0:0. Quyida o'sha o'yining eng qiziqarli rasmini taqdim etamiz.



58. O'zgarish. Kamerun. Mukanjo o'rniga Salli tushdi

56. Braziliya biroz tinchlandi. Endi to'pni o'zida ko'proq saqlab turib hujumga o'tmoqda

54. Kamerunlik muxlislarni ko'rsatishdi, xafa bo'lib o'tirishibdi. Xuddi tarvuzi qo'ltig'idan tushgan odamga o'xshab Kim bilan tarvuz hozir qancha?

50. Braziliyaning uzoq tashkil etgan hujumi gol bilan tugadi. David Luiz!!! Jarima maydoni ichida to'pni Fredga oshirib berdi, hujumchi uch metrdan xatoga yo'l qo'ymadi - 1:3.

50. GOOOOOOOOOOOOOOOOOOOOOOOOL, FRED!!!!

49. NEYMAAAAAAAAAAAAAAR! Jarima to'pini to'g'ri darvozaga yo'lladi, bu safar ham soqoli ko'p darvozabon o'zini ko'rsatdi.

48. ZARBAAAAAAAAAAAA! FREEEEEEEEED! Hujumchining jarima maydoni tashqarisidan yo'llagan zarbasini Itanj to'pni qaytardi! Ajoyib zarba, ajoyib seyv, ajoyib havo!

47. Xalk jarima maydoni ichiga yorib kirdi va to'p uzatishda xatoga yo'l qo'ydi.

46. Ikkinchi bo'lim boshlandi. Bunday vaziyatda ko'p o'ylash kerak emas yurish va yutish kerak!

SHUUUUUUUUUUNCHA KOMMENTLAR QANI?



- O'zgarish. Braziliya. Paulino o'rniga Fernandino tushdi

- Bizni xonada odamlar ko'p bo'lmasin. O'zi havo issiq odam ko'p bo'lsa havo kam bo'ladi)

45+1.Birinchi bo'lim tugadi. Uxlab qolmang, To'lqin aka vatsappdan yozib yubordi. Braziliya yana gol urarmish. Ko'ramiz kutamiz!

45+1. BRAZILIYA o'z uslubida!. Oskar-Neymar-Paulino-Neymar ishtirokida bo'lgan hujumni Xalk noaniq zarba bilan tugatdi.

45. Birinchi bo'limga 1 daqiqa qo'shib berildi.

44. David Luiz endi raqibni yiqitdi, hakam Luizni kechirdi.

42. Ey, ey, ey David Luiz sen himoyachisan. Kutilmaganda u oldinga borib sherigi bilan "devor" o'ynamoqchi bo'ldi, to'p uzatish noaniq chiqdi.

41. Hozircha hech bir jamoa hujumni oxiriga etakaza olmadi.

38. Takidlash lozim, Neymar bugun Braziliya terma jamoasi safidagi 34 va 35-golini urdi. Bu borada u Ronaldino (33ta gol) va Rivaldoni (34ta gol) ortda qoldirdi.

37. Narigi o'yinda hamon tablodagilarga ish topilayotgani yo'q.

34. Qo'shnim To'lqin akani so'raganlarga rahmat!

33. Marselo chap qanotda to'pni boshi bilan Neymarga oshirdi, hujumchi jarima maydoni yoniga yaqinlashib keldi va kuchli zarba bilan dublini rasmiylashtirdi - 1:2.

33. GOOOOOOOOOOOOOOOOOOL GOOOOOOOOL. GOL! Neymarrrrrrrrrrrrrr! SHahboz aytganidek Malades!

30. Kamerun hozir yana bitta gol urib qo'yishi mumkin edi! Ketma-ket ikki bor amalga oshirilgan burchak to'pidan so'ng afrikaliklar gol ura olishmadi 

27. Uchrashuv ajoyib tarzda davom etmoqda, Kamerun ham, Braziliya ham hujumlarni ketma-ket tashkil etishmoqda

26. CHap qanotda Eno faol o'ynab to'pni jarima maydoniga oshirdi, Matip to'pni darvozaga to'g'rilab qo'ydi va Kameruning mundialdagi ilk golini urdi - 1:1.

26. GOOOOOOOOOOOOOOOOOOOOOOOOOOOOOOOL. MATIP!

25. Bababababax! Burchak to'pidan so'ng Matip boshi bilan darvozaga yo'lladi, to'p to'singa tegib qaytdi!!!

24. Xalk raqib jarima maydoni yonida yiqildi, hakam "tureeee o'rningdan" dedi

22. Kamerunning hujumi. Abubakar raqib himoyachilaridan o'tib ktea olmadi

21. Xavfli vaziyayayayat! Paulino chapdan to'pni jarima maydoniga oshirdi, Fred yiqilib tushgan bo'lsa ham to'pni darvozaga yo'llashga urindi. Bosh hakam hujumchi bu vaziyatda darvozabonga nisbatan qo'pol o'ynadi deb topdi.

20. Braziliyaning jahli chiqqan ko'rinadi. O'ng qanotdan tashlab berilgan to'pni Neymar chap oyog'i bilan darvozaga yo'lladi! Kuchli va aniq zarba yo'liga Itanj to'g'anoq bo'ldi!

19. Neymarning goli JCH-2014dagi yubiley 100-gol bo'lib tarixdan o'rin oldi.

17. CHap qanotdan Luis Gustavo to'pni jarima maydoniga oshirdi, Neymar bir harakat bilan darvozani ishg'ol qildi - 0:1.

17. GOOOOOOOOOOOOOOOOOOOOOOOOL! NEYMAR!!!!

15. Nyom! To'p maydonni tark etgach Neymarni bir urib erga yiqitdi! Bechora Neymar fotograflar oyoqlari ostiga yiqildi. Hakam Nyomni og'izaki tarzda ogohlantirdi.

14.Mukanjo jarima to'pini amalga oshirdi, to'p to'ppa to'g'ri Julio Sezarning qo'liga borib tushdi

13. Yana bir xavfli vaziyat! CHupo Motin tomonidan oshirilgan to'pni David Luiz qaytardi

12. Ogohlantirish. Kamerun. Eyong Eno

11. Kamerun ancha engil va oson harakat qilmoqda.

9. Guruhdan chiqa olmasligi aniq bo'lgan Kamerunning hujumi!!!! Tezkor tashkil etilgan hujumni Mukanjo zarba bilan yakunladi, Marselo to'p yo'liga o'zini qalqon qildi!

7.Marselo chap qanotdan oldinga o'tdi, biroq to'pni to'xtatishda xato yo'l qo'ydi. Boz ustiga maydon ham tugab qoldi

5. FredDDDDDDD! Uning jarima maydoni ichidan yo'llagan zarbasi himoyachiga tegib maydondan chiqib ketdi

4. Navbat Kamerunga. Abubuakar boshchiligidagi hujumchilar ikki bor oldinga o'tishdi, biroq to'p jarima maydoni ichiga ham kirgani yo'q

2. Qanday vaziyayayayayat! Braziliya ilk daqiqalardanoq shamol tezligida hujumga o'tmoqda. Bir daqiqaning o'zida darvoza tomon uch marta zarba berildi, uchala vaziyatda ham himoyachilar to'pni qaytarishdi!

1. Xalk o'ng qanotdan tezkorlik bilan jarima maydoniga kirib borishga urindi, uni raqib himoyachilari yiqitishdi. Jarima to'pi yonida Neymar, uning to'p uzatishini noaniq

1. Uchrashuv boshlandi!

- Haligi nima edi deyishimni kutayapsizmi? Qani kettik!

- Ikkala jamoa madhiyalari yangrab o'tdi.

- Braziliya keyingi bosqichga chiqishi uchun kamida durang o'ynashi kerak. Kamerun esa 10:0 hisobida zafar quchsa ham guruhdan chiqa olmaydi.

- Jamoalar maydonga tushib kelishmoqda.

- Narigi xonada SHahboz Beg'amov ishlaydi. Unga ham, Ravshan Ermatovga ham omad tilaymiz!

- Ushbu bahsni sizlarga Narzulla Saydullaev taqdim etadi. Uxlab qolmasak bo'ldi)

- Assalomu alaykum qadrli futbol muxlislari, tunni tun demay Jahon chempionati o'yinlarini kuzatib borayotgan barchaga salom! Bugun guruh bosqichining oxirgi tur o'yinlari boshlandi. Musobaqa mezboni Braziliya terma jamoasi Kamerun bilan o'ynaydi.

- Uchrashuv soat 01:00da boshlanadi.