Jasur Abduraimov: "2:0 hisobida oldinda borayotib yosh bolalarcha xatolarga yo'l qo'ydik"

"O'yin haqida nima ham aytishim mumkin, 2:0 hisobida oldinda borayotib yosh bolalarcha xatolarga yo'l qo'ydik. Yakunda hisob 2:2 ko'rinishiga keldi. Yigitlar harakat qilishmoqda. To'p bilan oldinga ko'proq o'ynashmoqda. Murabbiy sifatida birinchi o'rinda o'yinga etibor beryapman. AGMK, "Nasaf"ga qarshi bahslarda o'yin bo'yicha mag'lubiyatga uchramadik. Xatolao futbolda bo'ladigan holat. Lekin xarakter ham bo'lishi kerak. "Navbahor" safida ham futbolchilar mehnat qilmoqda",- deydi Jasur Abduraimov.

- "Navbahor"ni qay darajada o'rgangan edingiz? Jamoa yaxshi o'ynab turganda 2ta gol o'tkazib yubordi...

- Aytganimdek "Navbahor"ni o'rganib chiqqan edik. Taktik tomondan yutqazmadik. Kimdir oxirgacha yugurmadi. 

- Doniyor Narzullaev so'nggi uchrashuvlarda maydonga tushmayotgani nima bilan bog'liq?

- Futbolda birinchi o'rinda xarakter bo'lishi kerak. Xarakter bo'lsa, mashg'ulotda o'zini ko'rsatsa ertagayoq asosiy tarkibda o'ynaydi. Men bu narsani ko'rmayapman. Men shu jihatlarni ko'rsam o'ynaydi. 

- "Metallurg" keyingi turda "Turon" maydoniga safar qiladi. Bu borada fikrlaringiz qanday?

- Murabbiy sifatida "Metallurg"ga javob beraman. Xursand qilayotgani yigitlar harakat qilmoqda. Zamonaviy futbol o'ynashmoqda. Ko'rayotgan bo'lsangiz "Navbahor"ga hamma ham 2ta gol ura olmaydi. 

Iqtidorli yosh futbolchilar bor. Ularga 1-2 yil vaqt kerak. Asosiy tarkibga tayyor bo'lsa yoshini ahamiyati yo'q.