Jafar Irismetov: "Avval "Obod" oliy ligada qolsin, rejalar keyin tuziladi"

"Neftchi"dan boshqacharoq o'yin kutgandik, ular bugun ko'proq pressingga asoslangan o'yin ko'rsatishdi.  Bugun bahs teng o'tdi, birinchi bo'limda mehmonlarda, ikkinchi bo'limda tashabbus bizda bo'ldi. Gol o'tkazgach tezda hisobni tenglashtirdik. Alisher Mirzaevning goli bizga juda katta yordam berdi.

Jamoadagi kelajagim, keyingi rejalar haqida hech nima deya olmayman. Avval "Obod" oliy ligada qolsin rejalar keyin tuziladi. Umid Yorbekov "Lokomotiv" bilan o'yinda ishonchli o'ynagani uchun Dilshod Hamroev zaxirada qoldi.

Har bir o'yinga alohida tayyorgarlik ko'rayapmiz. Raqibni o'rganib unga qarshi taktika tayyorlayapmiz", - deydi Irismetov.

"Obod" matbuot xizmati