"Inter" braziliyalik darvozabonga qiziqish bildirmoqda

Italiyaning "Inter" klubi Braziliyaning "Atletiko Paranaense" klubi darvozaboni Bentoga qiziqmoqda, deya xabar bermoqda jurnalist Paskuale Guarro.

Og'zaki kelishuvga ega bo'lgan 24 yoshli braziliyalik futbolchini qo'lga kiritish uchun "neradzurri" kelasi yozgacha 15 million evro to'lashi kerak. "Inter" rahbariyati dedlayngacha bu miqdorni sarmoya qila oladimi yoki yo'qligini aniqlashi kerak.

Bento joriy mavsum "Atletiko Paranaense" safida 57 ta o'yin o'tkazib, o'z darvozasidan 47 ta to'p olib chiqqan va 12 ta o'yinda darvoza daxlsizligini saqlab qolgan.