Ilhom Yunusov: "Qizilqum"da penaltidan gol ura oladiganlar talaygina"

-   Dastlabki turda Qarshida mag'lubiyatga uchragan “SHo'rtan” futbolchilarini bizga qarshi jiddiy kurash olib borishini kutgandik, - dedi Ilhom Yunusov. - SHu bois, o'yin kutilganidek, juda shiddatli o'tdi. Har ikki jamoada ham golga tortadigan ko'plab vaziyatlar yuzaga keldi. Ammo o'yin jarayonida undan unumli foydalanish na bizga va na raqib o'yinchilariga nasib etmadi.

-   Ketma-ket ikkinchi uchrashuvda penaltilarni muvaffaqiyatli amalga oshirmoqdasiz? “Qizilqum”da bundan keyin bu vazifani faqat siz bajarasizmi?
-   Hozircha ko'z tegmasin, bu imkoniyatdan samarali foydalanyapman. Jamoamizda 11 metrli nuqtadan mahorat bilan darvozani nishonga oladiganlar talaygina. Bahriddin Vahobov, Vyacheslav SHevchenkolar ham bu ishni bemalol uddalashadi. Qishki o'quv-mashg'ulot yig'ini doirasida o'tgan o'rtoqlik uchrashuvida Vahobov raqib darvozasini ishg'ol etolmaganidan keyin klub murabbiylar shtabi bu vazifani menga topshirishdi. Asosiysi, o'z jamoam g'alabasiga hissa qo'shayotganimdan juda xursandman.

"Qizilqum" matbuot xizmati