Ilhom SHomurodov birinchi davrada boshqa maydonga tushmaydimi?

Muxlislarning sevimli futbolchisiga aylangan Ilhom SHomurodov yaqinda jarrohlik stoliga yotqizildi. voha.uz saytining aniqlashicha, futbolchi ko'richak (apendiks) sababli operaciya qilingan. Ilxomning tezroq sog'ayib, tarkibga qaytishini istab qolamiz.

SHuningdek Igor Taran ham jarohati sabab maydonga tusha olmayapti. Ajdarlar murabbiylari Kenja To'raev hamda Azamat Allaniyozovlarga keyingi turlarda ishonch bildirishmoqda. Nasaf tarkibida boshqa hujumchi yo'qligini inobatga olsak, Ro'ziqul Berdiev Farrux Sayfievni oldinroqqa o'tkazishini yoki Najmiddin Normurodov, Doniyor Narzullaev kabi yarim himoyachilarni ham sinab ko'rishini taxmin qilishimiz mumkin. Balkim hozirgi kunda o'rinbosarlar tarkibida to'p surayotgan, o'tgan mavsum ikkinchi liga to'purari bo'lgan Islom Rashidxonov asosiy tarkibda debyut qilar!

Ko'pchilik muxlislar SHohrux Gadoevning qachon safga qaytishi borasidagi savollar bilan murojaat qilishmoqda. Nasaf PFK matbuot kotibi Aziz Nuriyning takidlashicha, o'tgan mavsum boshida milliy terma jamoamizning asosiy tarkib futbolchisiga aylangan Gadoev mart oyida qaytadan operaciyadan o'tgan va shu sababli birinchi davrada muxlislarni xushnud qila olmaslik extimoli yuqori. Umid qilamizki, SHoxrux ikkinchi davradan butunlay sog'aygan holda tarkibga qaytadi.

Olim TOLIPOV