Ilhom SHaripov: "Yoshlarga ko'proq imkoniyat beramiz"
09 iyu 2016 10:46
Yangiliklar
![](https://championat.asia/upload/storage/210855_original.jpg)
![](/upload/storage/210855_220.jpg)
Ilhom SHaripov: "Yoshlarga ko'proq imkoniyat beramiz"
- SHogirdlarim o'yinga yaxshi tayyorgarlik bilan tushishdi va raqibdan kuchli ekanligini ko'rsatib g'alaba qozonishdi. Tomoshabop o'yinlar muxlislarimizga ham yoqdi. Ochig'ini aytsam, bugun jamoamiz raqibdan bir bosh baland ekanligini maydonda ko'rsatib, buni tablodagi hisobda ham aks ettirdi.
- Dinamo mavsumdagi eng yirik hisobli g'alabasiga erishdi. SHunga qaramay, negadir jamoa o'yinidan qoniqmagandek taassurot uyg'otdingiz?
- Bilasizmi, bunga sabab har bir murabbiy o'ylangan kombinaciyalar, xavfli hujum chiroyli yakunga ega bo'lib, gol bilan tugashini istaydi. Bunga juda ko'p xavfli vaziyatlar yaratdik, ammo samaradorlik juda yaxshi bo'lmadi. O'yin davomida murabbiy ko'rsatmalar berib turib, vaziyatlardan norozi bo'lishi normal holat.
- Zaxiradan maydonga tushgan futbolchilar haqida...?
- Barchasi ishonchimizni oqlashdi. Alisher Xoliqov maydonga tushib gol urdi, Amirjon Safarov ham zaxiradan tushiboq, hisobni o'zgartirdi. Komil SHarofutdinov, Alamxon Hakimxonov, Laziz Nuriddinovlar ham bugun jamoaviy o'yin evaziga g'alabamizga hissa qo'shishdi.
- Keyingi turda Oqtepa jamoasi bilan o'yin o'tkazilmasligi bois, jamoaning rejalari ham o'zgargandir?
- Yigitlarga uch kunlik dam beramiz. 13 iyun kuni soat 18:00da esa Samarqand viloyat terma jamoasiga qarshi o'rtoqlik uchrashuvini o'tkazamiz. Bu yil Oliy Ligaga chiqishni maqsad qilganmiz, shu bois hozirdan yosh futbolchilarni tarkibga jalb etish borasida bosh qotirishimiz kerak. Viloyat terma jamoaga qarshi bahsda ham iqtidorli mahalliy o'smir va yosh futbolchilarni ko'z ostimizga olib, tarkibimizga jalb etamiz. Imkonqadar bu yoshlarga ko'proq imkoniyat beramiz.
O’xshash yangiliklar
![AMP Logo](https://championat.asia/image/logo-amp.png)
Fikrlar