Ikkinchi liga. Xorazm viloyati birinchiligi qizg'in pallada

Ushbu guruhda ishtirok qilayotgan “UrDU” jamoasi o'z maydonida Urganch shahrining “Namuna” jamoasini xokkey o'yinlarida ham uchramay qolgan hisobda mag'lub etdi, 10:0. Natijada, talabalar 9 ochko bilan peshqadamlikni saqlab qolishdi. Yangiariq tumanining “Navro'z” jamoasi ham 9 ochko jamg'argan. Yangiariqlik futbolchilar bu gal safarda “Bog'ot” jamoasidan 4:2 hisobida ustun kelishdi.

2-guruhda Urganchning “Olimpiya” jamoasi birinchi o'ringa ko'tarilib oldi. Ikki o'yinda 6 ochko to'plagan mazkur jamoa yaqin taqibchisini ikki ochkoga ortda qoldirmoqda.

Etiboringizga Xorazm viloyati birinchiligining 3-tur uchrashuvlarini havola etamiz:

1-guruh.
“Bog'ot” (Bog'ot tumani) - “Navro'z” (Yangiariq tumani) - 2:4,
“UrDU” (Urganch shahri) – “Namuna” (Urganch shahri)  - 10:0,
“Urganch OZK-2” (Urganch shahri) – “Umid nihollari-2015” (Urganch shahri) - 6:0,
Urganch OZK-1” (Urganch shahri)  jamoasi bu turda dam oldi.
 

2-guruh.
“Anjirchi” (Urganch tumani) - “Olimpiya” (Urganch shahri)  - 0:1,
“Dinamo” (Urganch shahri) - “SHoxobod” (SHovot tumani) - 3:2,
“Yangibozor” (Yangibozor tumani) – “Gurlan” (Gurlan tumani) – 2:1.


Ikrom XUDOYBERGANOV.