Hamidjon Aktamov: “Yoshlarimiz tajribali raqib oldida dovdirab qolishmadi”

-Bugun mag'lubiyatga uchragan bo'lsak-da, yigitlarimiz maydonda yomon harakat qilishmadi, - deya so'z boshladi Hamidjon G'ulomovich. - Mavsum peshqadami bilan har jabhada tengma-teng bahs yuritgani uchun ularga rahmat aytaman. Agar yuzaga kelgan vaziyatlardan unumli foydalanganimizda hech bo'lmasa, bir ochkoni qo'lga kiritishimiz ham mumkin edi.

Albatta, tajribali futbolchilari Akmal Rustamov, Vohid SHodievlarning yo'qligi bilindi. Bugun boshlang'ich tarkibdan o'yinga qo'shilgan yoshlarimiz Nodirxon Kamolov, Bekzod G'anijonovlarning tajribali raqibga qarshi munosib o'ynaganligi va maydonda “yo'qolib” qolmaganligi bizni quvontirdi. Ular “Lokomotiv”dek jamoa oldida dovdirab qolishmadi va raqibga etarlicha tashvish tug'dirishdi.

Jamoamiz azolariga qisqa tatil berildi. CHempionatda yuzaga kelgan kichik tanaffusdan unumli foydalanishga harakat qilamiz. Navbatdagi turda Farg'onada “Neftchi” jamoasiga qarshi maydonga tushamiz. Ushbu uchrashuv oldidan jamoamiz Toshkentda yig'iladi va tayyorgarlikni poytaxtda davom ettirishni rejalashtirganmiz. Maqsadimiz esa mavsumni yuqori kayfiyatda yakunlashdan iborat.

“Qizilqum” PFK Matbuot xizmati.