Hamidjon Aktamov: “Yoshlarga ham tarkibda o'rin berishga harakat qilamiz”

-  Ketma-ket ikki mag'lubiyatdan keyin muxlislarimizga yana g'alaba taqdim etganimizdan xursandmiz, - deya so'z boshladi Hamidjon G'ulomovich. - Keyingi uchrashuvlarni yuqori saviyada o'tkazishimiz uchun ham bugun g'alaba juda muhim edi. “Dinamo”da yangi bosh murabbiy ish boshlaganligi, tarkibga bir qator yangi futbolchilarning jalb etilganligi jamoa o'yinini ancha kuchaytirganligi ko'rinib turibdi.

-  Hozirda “Yoshlar” sport majmuasi yashil maydoni maysasi sifatini yaxshilash  maqsadida keng ko'lamda qurilish-bunyodkorlik ishlari olib borilmoqda. SHu bois, uy uchrashuvlarini vaqtincha “So'g'diyona” stadionida o'tkazyapmiz.

-  Keyingi o'yinda Toshkentda “Paxtakor” jamoasi bilan o'ynaymiz. Bu muhim o'yinga hozirdan tayyorgarlikni boshlaymiz. CHempionat jadvalida jamoalar  to'plagan ochkolar o'rtasida farq u qadar katta emas. Birgina g'alaba imkoniyatingizni oshirsa, aksincha mag'lubiyat jadvaldagi ahvolingizni og'irlashtirib yuborishi mumkin. SHu bois, har bir uchrashuvda faqat ijobiy natija qayd etish uchun maydonga chiqamiz.

-  Asta-sekin yoshlarga ham tarkibda o'rin berishga harakat qilamiz. Bugun yarim himoyachi Boburjon Iskandarov o'zining faolligi bilan boshqalardan ajralib turdi.U zaxiradan o'yinga qo'shilgan bo'lsa-da, o'zini yo'qotib qo'ymadi. Aksincha, qisqa vaqtda jamoadoshlari bilan til topishib ketganligini barchangiz ko'rdingiz. Iskandarovga o'xshagan o'yinchilar jamoamizda talaygina.