Hamidjon Aktamov: "O'yindan oldin "So'g'diyona"ni yutib qo'yganimiz qimmatga tushdi"

- Bugungi o'yin qanday bo'lganini tablodagi hisobni o'zi ham ko'rsatib turibdi. Jizzax jamoasini tabriklayman. Avvalam bor muxlislarga rahmat. Muxlislar bilan to'la stadionnni anchadan beri ko'rmagan edim. So'g'diyonaning bugungi g'alabasida muxlislar asosiy sababchi bo'ldi deb o'ylayman. Jizzax jamoasi yuqori o'rinlarga munosib jamoa. Davron Fayziev bilan o'rtoqmiz. Ko'p fikrlar almashib turamiz. Davron bor etiborini yoshlarga qaratib, to'g'ri yo'nalishda ketayapti.

- Lukinni taqdiri nima bo'lgan? bazi saytlarda uni klubda ishlamayotgani haqida o'qigandik..

- Yuriy Lukin ishdan bo'shatilmagan. U menga yaqindan yordam berib kelmoqda. Bizning jamoada bosh murabbiy bu - maslahatchi murabbiy, yani men…

- Bugungi mag'lubiyatga nima sabab bo'ldi deb o'ylaysiz?

- Biz bugun o'yindan oldin So'g'diyonani yutib qo'ygandik. Raqibga noto'g'ri baho berishimiz bizga qimmatga tushdi.

- SHevchenkoni tarkibda ko'rmadik?

- Biz PFLdan futbolchilarni ro'yhatdan o'tkazayotganimizda og'ir vaziyatga kirib qoldik. SHevchenkoga shifokorlar o'ynamasligini, sog'ligida muammolar borligini aytishdi. Biz hujumchi izlab, ohiri Navro'z Alimovni jamoaga yordam berishi uchun olib keldik.