Hamidjon Aktamov: "G'oliblar muhokama qilinmaydi"
22 iyu 2021 22:45
Yangiliklar
![](https://championat.asia/upload/storage/644252_original.jpg)
![](/upload/storage/644252_220.jpg)
Hamidjon Aktamov: "G'oliblar muhokama qilinmaydi"
"Juda qiziqarli o'yin bo'ldi. Ikkala jamoa ham so'nggi daqiqaga qadar hujumkor futbol ko'rsatdi. Yaxshi vaziyatlar yaratdik va g'alaba qozondik. G'alaba bilan barcha muxlislarimizni tabriklayman. Bugun g'alaba qozonmasak bo'lmasdi, ketma-ket duranglar qayd etdik. O'tgan turda ham o'z maydonimizda durang o'ynagandik. "CHuqur"dan chiqib ketishimiz kerak edi. Futbolchilar o'zlarini qo'lga olishdi va ruhan tayyor edilar", - deydi Aktamov.
- O'tgan mavsumdagi jamoa bilan bu yilgisining farqi katta. "Qizilqum"da aynan nimani o'zgartirdingiz?
- Himoyada ozgina o'zgarish bo'ldi, hujumda ham ozgina o'zgarish bo'ldi. Hujum o'zini u qadar oqlamayapti. "G'oliblar muhokama qilinmaydi" deyishadiku.
- Behruz Sadilloev zaxiradan tushib yana zaxiraga olindi. Bunga sabab nima?
- Bu taktik o'zgarish edi.
- O'tgan turda ham "Qizilqum" hujumkor o'yin ko'rsatgandi, bugun ham shunday bo'ldi. Tanaffusdan keyin jamoa juda shiddatli futbol ko'rsatmoqda, mavsum oxirigacha mana shu tempni ushlab qola oladimi?
- SHunga harakat qilamiz. Hozir bir gap aytsam bahonaga o'xshab qoladi. Bir oy tanaffus bo'ldi va faqat mashg'ulot o'tkazdik.
- Oybek Qilichev jamoani tark etdi. Yozgi tanaffusda qanday o'zgarishlar bo'ladi?
- Qilichev jamoa bilan birga. U biroz shamollagani uchun qaydnomaga kiritilmadi. Oldinda yana ikkita o'yin bor shundan keyin transfer oynasi ochiladi.
- Uzunquloq gaplarga qaraganda Vatsadze, Kuxianidze va Qilichev yozda ketar ekan...
- Futbolda hozir gapxona bo'lib qolgan. Hamma gapiraveradi. Hozircha bu futbolchilar biz bilan birga. Birinchi davradan keyin futbolchi qoladimi yoki murabbiy qoladimi, hali hech narsa aniq emas. Agar vazifani bajarsak barchasi yaxshi bo'ladi.
- Oxirgi o'yinlarda 3-4-3 taktik sxemasini qo'lladingiz va bugun bu o'z samarasini berdi. Keyingi turda ham shunday o'ynasizlarmi?
- (kuladi) bu jamoa ichki siri. Hozir men sizga hammasini ayta olmayman, oldinda yana o'yinlar bor.
O’xshash yangiliklar
![AMP Logo](https://championat.asia/image/logo-amp.png)
Fikrlar