Gollandiya - CHili 2:0. MATNLI TRANSLYACIYA
23 iyu 2014 22:17
Yangiliklar
Gollandiya - CHili 2:0. MATNLI TRANSLYACIYA
JCH-2014 doirasidagi Gollandiya va CHili o'rtasidagi o'yinning matnli translyaciyasini shu erda kuzatib boring.
GOLLANDIYA - CHILI 2:0
21:00. San-Paulo. "Korintians Arena".
Bosh hakam: Bakari Gassama (Gambiya).
Gollar: 1:0 – 77 Fer, 2:0 – 90 Depay.
Gollandiya – Silessen, Yanmat, de Vrey, Vlar, Blind, N. de Yong, Veynaldum, Sneyder (Fer, 75), Robben, Kyuyt (Kongolo, 89), Lens (Depay, 69).
CHili – Bravo, Xara, Medel, Silva (Valdiviya, 70), Isla, Dias, Guterres (Bosejur, 46), Mena, Arangis, Sanches, Vargas (Pinilya, 81).
Ogohlantirishlar: Silva (25), Blind (64).
MATNLI TRANSLYACIYA
YANGILASH
- Uchrashuv yakunlandi. Gollandiya CHilini 2:0 hisobida mag'lubiyatga uchratdi. SHu tariqa evropaliklar birinchi, janubiy amerikaliklar ikkinchi o'rinni egallashdi.
90+2 - GOOOOL! De Yong-Robben-Depay tashkil etgan hujumni Depay samarili yakunladi. O'yin oxirida Gollandiya 2 gol urishga erishdi.
90 - 3 daqiqa qo'shib berildi.
88 - Kuyt o'rniga Kongolo tushirildi.
85 - Har ikki jamoa deyarli teng saviyada o'yin namoyish qilmoqda. Faqat Gollandiya standart holatdan unumli foydalanib qoldi. Nimchorak finalda bu jamoalar raqiblariga oson bo'lmaydi.
81 - Vargas o'rniga Pinilya tushirildi. CHilining keskin hujumi esa noaniq zarba bilan tugadi.
77 - GOOOOOL!!! Gollandlar faollashishdi va hisobni ochishdi. Burchakdan zarbasidan keyin jarima maydoniga oshirilgan to'pni Fer boshi bilan darvozaga yo'lladi. U bir oz oldin maydonga tushgandi.
74 - Sneyder o'rniga Fer maydonga tushirildi.
73 - Kuyt burchak zarbasidan to'pni boshi bilan urdi, lekin zarba noaniq chiqdi.
70 - Silva o'rniga Valdivia maydonga tushdi. U bir paytlar "Al Ayn" tarkibida "Paxtakor"ga qarshi Toshkentda o'ynagan.
69 - Lens o'rniga Depay tushirildi.
66 - Robbenning jarima maydoni tashqarisidan tepgan to'pini Bravo qaytardi.
64 - Blind qo'polligi uchun ogohlantirildi.
62 - Sanches Silessen bilan deyarli birga-bir holatga chiqdi, biroq to'pga ulgurmadi.
61 - Gollandiya vaqt o'tsa bo'ldi qabilida o'ynayapti. Ularni tushunish mumkin. SHu natija ham van Gaal shogirdlariga peshqadamlikni keltiradi.
56 - Sanchesning 30 metrlardan tepgan to'pi darvozadan balanddan o'tib ketdi. Ikkinchi bo'lim ham birinchisidan farq qilmayapti. Biror gol o'yinni qizdirib yuborishi mumkin.
50 - Hamon CHili bardamroq ko'rinyapti. Ular to'p kiritish uchun ko'proq urinishmoqda.
46 - Ikkinchi bo'lim start oldi.
46 - Guterres o'rniga Basejur maydonga tushirildi.
- Ikkinchi bo'limni boshlash uchun futbolchilar maydonga chiqib kelishyapti. Gollandiya bu bo'limni boshlab beradi.
45 - Birinchi bo'lim yakunlandi. Zerikarli o'tgan bo'limda jamoalar gol ura olishmadi. Ikkinchi bo'limda futbolchilar shiddatliroq o'ynashmasa, chempionatning eng zerikarli uchrashuvlaridan biriga davogar bo'la oladigan bellashuv.
40 - Robbendan superreyd! To'pni egallab olgan Robben maydon markazidan boshlab 3 raqibni aldab o'tdi va darvozaga zarba berdi. To'p ustun yonidan o'tib, maydon tashqarisiga chiqib ketdi. O'yindagi eng keskin vaziyat yuzaga keldi. Arenning to'p bilan tezligiga qoyil qolsa arziydi.
34 - CHilining himoyadagi xatosidan evropaliklar foydalanishgani yo'q. Gollandlar zarba berishni cho'zib yuborishdi.
32 - Ozgina qizigan o'yin yana xotirjamlik bilan til topishib oldi.
26 - Sneyderning zarbasidan keyin to'pni Bravo osonlik bilan ushlab oldi.
25 - Silva Lensni qo'pollik bilan to'xtatgani uchun ogohlantirildi. Xavfli jarima to'pi.
23 - Xavfli zarba! Burchak zarbasi kombinacion tarzda ijro etildi, biroq Guterresning zarbasi salgina noaniq chiqdi.
19 - O'yinda shiddat yo'q. Jamoalar nimchorak finalni o'ylagan holda to'p tepishyapti. Zerikarli futbol namoyish etilmoqda.
19 - O'yinda shiddat yo'q. Jamoalar nimchorak finalni o'ylagan holda to'p tepishyapti. Zerikarli futbol namoyish etilmoqda.
15 - Sampaoli shogirdlari o'yinning ayni paytida faolroq harakat qilmoqda.
13 - Nihoyat noaniq ketsayam birinchi zarba berildi. Vargas boshi bilan ancha balandga zarba berdi.
9 - Gollandiya jarima zarbasidan foydalanishga urinib ko'rdi, lekin CHili xavfni bartaraf etdi. Jamoalar ehtiyotkor futbol namoyish qilishyapti.
- Keskin vaziyatlar sodir etilmayapti. Dastlabki 5 daqiqa ortda qolib bo'ldi.
- Jamoalar tashabbusni o'z qo'llari, yanayam aniqrog'i oyoqlariga olish ilinjida.
- Boshlandi!
- O'yinni CHili termasi boshlab bermoqda.
- Bu jamoalar shu kungacha biror marta to'qnash kelishmagan. San Paulodagi stadionda ajoyib muhit ko'zga tashanib turibdi.
- Gollandlarni durang natija ham guruh g'olibiga aylantiradi. CHiliga esa faqat yutuq zarur.
- Qadrli o'quvchilar, o'yin sharhini sizlarga Behzod Nazarov taqdim etadi. Ayni paytda jamoalar madhiyasi yangramoqda.
- Uchrashuv soat 21:00da boshlanadi.
championat.asia
Лига 1. "Ланс" меҳмонда ПСЖга минимал ҳисобда мағлуб бўлди, Ҳусанов 60-дақиқада қизил карточка олди
Ўзбекистон МТЖнинг ноябрь ойидаги йиғин учун тахминий таркиби
МЛС Кубоги. "Интер Майами" "Атланта Юнайтед"га ютқазиб қўйди 
Ла Лига. "Барселона" "Эспаньол" билан ўйин тақдирини биринчи таймдаёқ ҳал қилди
Fikrlar