GFI prezidenti: "JCH-2018 oldidan Lyov bilan yangi shartnoma tuzib to'g'ri qilganmiz"
28 iyu 2018 13:05
Yangiliklar

GFI prezidenti: "JCH-2018 oldidan Lyov bilan yangi shartnoma tuzib to'g'ri qilganmiz"

Germaniya futbol ittifoqi Jahon chempionati-2018 oldidan bosh murabbiy Yoaxim Lyov bilan yangi shartnoma tuzib to'g'ri qilgan.

Bunday fikrni ittifoq prezidenti Raynxard Grindel aytib o'tdi. Lyov bilan yangi kelishuv 2022 yilgacha mo'ljallangan.

Kecha SHermaniya terma jamoasi o'z tarixida birinchi marta Jahon chempionatida guruhdan chiqa olmadi. Nemislar amaldagi chempion sifatida Janubiy Koreyaga 0:2 hisobida imkoniyatni boy berib qo'yishdi va o'z guruhlarida so'nggi o'rinni egallashdi.

"Hafsalamiz pir bo'ldi. Bizni Rossiyada qo'llab-quvvatlagan muxlislarga achinyapmiz. Yaqin vaqtlarda bo'lib o'tgan narsalarni tahlil qilamiz, undan so'ng Lyov bilan gaplashamiz va kerakli xulosalarni chiqaramiz. Bundan tashqari, men Lyov bilan Jahon chempionati boshlangunga qadar yangi 4 yillik shartnoma imzolab to'g'ri qilganimizga ishonaman", - dedi Grindel.