Germaniyalik mutaxassislar “JFL Tashkent”da ish boshladilar

SHlotxaymning “JFL” akademiyasida faoliyat olib borayotgan malakali murabbiylar yil davomida yangi faoliyat boshlagan futbol maktabidagi murabbiylarning, aynan o'zlarining metodikalari asosida tarbiyalab boradilar.

17 aprelga qadar poytaxtda germaniyalik mutaxassislar ishlaydilar, 18 aprelda esa “Real Sossedad” jamoasining 80-yillardagi mohir futbolchisi Kiko Zuniga Toshkentga tashrif buyuradi. “Real Madrid” jamoasining Xitoydagi akademiyasida ishlagan mutaxassis “Atletiko” Madrid jamoasining skauti ham hisoblanadi.

Zuniga O'zbekistonga safari davomida Boysunda bo'lib o'tadigan “Sahro Kubogi” musobaqasida ham qatnashadi. SHuningdek, Namanganda faoliyat boshlagan “Odil Junior” klubida master klass o'tkazishni rejalashtirgan.

“Ochilish marosimi haqiqiy bayramga aylanib ketdi. Boshlanishiga kichik tadbir uyushtirishni reja qildik. Keyin barchasi boshqacha bo'ldi. Avvalo buning uchun “Yoshlik” sport majmuasi rahbarilariga o'z minnatdorchiligimizni bildiramiz. Germaniyadan 20 kishidan ortiq mehmonni kelishi haqiqiy sovg'a bo'ldi deb aytsak bo'ladi. Avvaliga ko'pchilik maktabimizni shunchaki nemislarning nomidan foydalanayapti deb o'ylagan edilar. Ko'rib turganingizdek, bugun ular biz bilan mashg'ulot o'tkazayaptilar”, - deydi klub direktori Dilshod Qoriev.