GERMANIYA - JAZOIR 2:1. MATNLI TRANSLYACIYA

JCH-2014. 1/8 final
GERMANIYA – JAZOIR 2:1
Portu-Alegri. “Beyra-Rio” stadioni
Bosh hakam: Sandro Richchi (Braziliya)

Gollar: SHyurlle 92, Ozil 119.

Germaniya: Noyer, Boateng, Mertezaker, Mustafi (Xedira, 70), Xovedes, Lam, SHvaynshtayger (Kramer, 109), Kroos, Ozil, Myuller, Gyotce (SHyurlle, 46).

Jazoir: Mboli, G'ulom, Belkalem, Allish (Bugerra, 96), Lasen, Feguli, Slimani, Sudani (Jabu, 100), Tayder (Braimi, 78), Mandi, Mustafo.

Ogohlantirishlar: Allish 42, Lam 107.


                             MATNLI TRANSLYACIYA
                                        YANGILASH

Sizlar bilan soat 3:33ga qadar Narzulla o'yinni kuzatib bordi. Boshlanayotgan yangi kun barchamizga oson va omadli kelsin! Omon bo'linglar!

120+2. Qoil Jazoirga! Mag'lub bo'lishdi ammo boshni tik tutgan holda mundialni tark etmoqda bu jamoa! Germaniya chorak finalda Franciya bilan o'ynaydi. Jamoa muxlislarini tabriklaymiz! Sizga ha sizga omad tilaymiz!

120+1, O'ng qanotdan oshirib berilgan to'pni Jabu darvozaga yo'lladi - 2:1.

120+1. GOOOOOOOOOOOOOOOOOOOOOOLLLLLLLLL! JABUUUUUUUUUUUUUUUUUUUUU! 2:1!!!

119. Ozil to'pni SHyurllega oshirdi, uning zarbasi to'pni qaytardi, qaytgan to'p Ozilga kelib tushdi. Mesut kuchli zarba bilan to'pni darvozaga sanchib qo'ydi - 2:0. Jazoir - mot!

119. GOOOOOOOOOOOOOOOOOOOOOOL! OZIL! BU NUQTAAAA! KAAAATA NUQTA! 2:0

118. Slimani! Agar qochib ketganida nima bo'lardi? Jazoirlik futbolchi birga bir vaziyatga chiqib ketayotganida Boateng undan to'pni olib qo'ydi, hakam bunga etibor ham qaratmadi, o'yin davom etdi

116. Kramer! Uning zarbasini Rais qaytardi, keyingi vaziyatda Myuller to'pni sheriklariga oshirdi, "labbay"chi topilmadi

115. SHyurlle hujumga o'tdi va to'pni sheriklariga oshirishga qizg'ondi! Qizg'onib yashash kerak bolalar qizg'onib!

113. Jazoir tinmayapti, Jabuning chap qanotdan oshirgan to'pini Mertesaker qaytardi, aks holda Slimani tayyor turgandiya

110. Futbolchilarning oyoqlari tortishib qolmoqda... futbol o'ynash oson emas, ayniqsa mana bunday yuqori darajada

109. O'zgarish. Germaniya. SHvaynshtayger o'rniga Kramer tushdi

108. Braimi jarima to'pini amalga oshirib berdi, to'pni Noyer ushlab oldi

107. Filip Lam o'zimizning Tursunboyning ishini qildi va ogohlantirildi

106. So'nggi bo'lim ham boshlandi.

105+1. Dastlabki qo'shimcha bo'lim tugadi.

105. USHbu bo'limga 1 daqiqa qo'shib berildi

104. Xedira chap qanotdan oldinga chiroyli o'tdi, lekin uning oshirgan pasi juda hunuk bo'ldi

101. Jazoir taslim bo'lmayapti, imkon qadar hujumlar qilib turibdi. Burchak to'pidan so'ng Mustafo zarba berdi, biroz noaniq!

100. O'zgarish. Jazoir. Sudani o'rniga Jabu tushdi

99. MYULLER! Uning burama zarbasi darvoza ustuni yonidan o'tib ketdi!

97. Fegulining pasidan so'ng Sudani to'pga eta olmadi, xavfli vaziyat edi

96. O'zgarish.  Jazoir. Allish o'rniga Bugerra tushdi

95. Germaniya o'ziga ishonch bilan o'ynamoqda. Ozil deyarli birga bir vaziyatga chiqib bordi, lekin Allishni alday olmadi.

92. Myuller chap qanotdan to'pni jarima maydoniga oshirdi, SHyurlle to'pni nozik harakat bilan darvozaga joylab qo'ydi - 1:0.

92. GOOOOOOOOOOOOOOOOOOOOOL! SHYURLLEEEEEE! LELELELE! 1:0

90. Demak qo'shimcha bo'limlar boshlandi!

90+4. Bahsning asosiy vaqti tugadi! Qo'shimcha 30 daqiqani tomosha qilamiz. Uxlagingiz keldimi? Uxlang. Lekin eng qiziqarlisi oldinda).

90+3. ZARBAAAAAAAAA! SHYURLLE!!!!!! Uning pasidan so'ng himoyachilar to'pni qaytarishdi. Burchak to'pini Rais egallab oldi

90+2. Germaniyaning urinishlari zoe ketmoqda... Jazoir esa qo'shimcha taymlarni kutmoqda

90. O'yinning asosiy vaqtiga 4 daqiqa qo'shib berildi

89. ZARBAAAAAAAAAA!  SHvaynshtaygerning bosh bilan yo'llagan zarbasidan so'ng Rais to'pni egallab oldi!

88. Jazoirning qarshi hujumi! So'nggi "himoyachi" Noyer yana o'z joyida!

87. Kuluguli vaziyat! Myuller jarima to'pini tepishdan oldin maydonga bir yiqilib oldi, bu atyin qilindimi yoki kutilmagan holatmi har holda kulguli bo'ldi

86. Boateng!!! Uning zarbasidan so'ng to'p Fegulining qo'liga tegdi. 25 metrlardan jarima to'pi

84. Allish maydonga cho'zilib yotib olgan, hakam unga turishni taklif qilmoqda. Oyoqlarining tomiri tortishib qolgan shekilli

83. Germaniyalik muxlisalar shokda! Ular bunday natijani kutishmagandi

82. MYULLERRRRRRR! Jarima maydoni ichida to'pni to'xtatib darvozaga zarba berdi, biroz noaniq!

81. Keyingi vaziyatda Jazoir hujumga o'xshash narsa qildi, Feguli tomon oshirilgan to'pni Noyer ushab oldi

80. RAIIIIIIIIIIIIIIIIIS! MYULLEEEEEEEEER! Tomasning yaqin masofadan yo'llagan zarbasidan so'ng to'pni Rais Mboli qanday qilib qaytardi? Buni faqat o'zi biladi!

79. Xavfli vaziyat! Mana Germaniyaning hujumi! Myuller to'pni jarima maydoniga oshirdi, SHvaynshtaygerning bosh bilan yo'llagan zarbasi darvoza ustuni yonidan o'tib ketdi!

77. O'zgarish. Jazoir. Tayder o'rniga Braimi tushdi

76. Sudani to'pni jarima maydoniga oshirdi, Slimanigacha to'p o'tishiga Boateng yo'l qo'ymadi

75. ZARBAAAAAAAA! Slimani tomonidan yo'llagan kuchli zarbani Noyer qaytardi!

74. ZARBA! Feguli kutilmaganda darvozaga burilib zarba berdi, to'p biroz noaniq ketdi

73. Bahs taqdirini bitta gol hal qiladigandek...

72. HAAAAAAA! Noyer yana so'nggi himoyachi rolida! Slimani to'pga harakat qildi, Noyer jarima maydonini tark etib boshi bilan to'pni qaytardi

71. Germaniya bu o'yini bilan chempionlikni ko'zlamasa ham bo'ladi. Juda ham lanj o'yin

70. O'zgarish. Germaniya. Mustafi o'rniga Xedira tushdi

69. Jazoirning jarima to'pi, himoyachilar qaytarishdi

68. Mustafi oyog'idagi mushaklarni tortib oldi va maydonni tark etdi

66. Germaniyalik "gulbashakarlar"



64. Germaniyaning hujumlariiga Jazoir hozir faqat shunday javob bermoqda: To'pni istalgan tomonga kuchliroq tepib yuborish!

63. Ehhe tribunada jonli to'lqin! Qo'shnim To'lqin akaga salom

61. Nemislar ko'proq hujum qilishmoqda, ammo barcha hujumlar bir xil. Jazoirlik himoyachilar bunga tayyor turishibdi

60. SHyurllening zarbasi noaniq chiqdi

59. Muxlislar hushtak chalishmoqda! Bilasizmi nega chunki nemislar to'pni bir birlariga tinimsiz oshirib turishibdi...

54. LAAAAAAAAAAAAAMMMMMM! 18 metrlardan yo'llangan zarbadan so'ng Rais ajoyib harakat bilan to'pni qaytardi!

52.  Noyer bugun so'nggi himoyachi rolini ajoyib tarzda bajarmoqda!

51. Afrikaliklar hujumga hujum bilan javob berishmoqda, mana ikkinchi bo'limda ikkala jamoa muxlislarbop o'yin namoyish etishmoqda 

50. Jazoir burchak to'pini amalga oshiradi, Noyer! Noyer! Xato qildi va o'z xatosini to'g'riladi!

49. Kroos to'pni jarima maydoniga oshirdi, Mustafi boshi bilan zarba berdi, Rais to'pni ushlab qoldi!

48. SHvaynshtayger! Zarba! Mboli to'pni bir amallab qaytardi!

46. O'zgarish. Germaniya. Gyotce o'rniga SHyurlle tushdi

46. Qanisizlar? Ikkinchi bo'lim boshlandi

45+1. Hazil qiladigan o'yin bo'lmayapti, hozircha 0:0. 15 daqiqadan so'ng ikkinchi bo'lim boshlanadi.

45. Birinchi bo'limga 1 daqiqa qo'shib berildi

43. KROOOOOOOOOS! CHap oyog'i bilan to'pni darvozaga yo'lladi, biroz noaniq

42. Ogohlantirish. Jazoir. Allish

40. ZARBAAAAAAAAAAAA! OZILLLLLLLL! Uning zarbasini Rais qaytardi, qaytgan to'pni Gyotci darvozaga yo'lladi, yana Rais o'zini ko'rsatdi Qoyil Mboli!

39. ZARBAAAAAAAAAAAA! YANA G'ULOM! Uning kuchli zarbasi Boatengga tegib yo'nalishini o'zgartirdi va noaniq ketdi

38. Ozildan keyin maydonda eng ko'p yugurgan futbolchi Noyer bo'lsa kerak

38. Germaniya safidagi eng faol o'yinchi Ozilning zarbasidan so'ng to'pni Rais Mboli qaytardi

36. Ozil noaniq pas bermoqda... buni doim ham ko'ravermaymiz. Germaniyaning hujumi to'xtadi

35. Xavfli vaziyat! Mustafining pasidan so'ng Myuller boshi bilan darvozaga yo'lladi, noaniq

34. Jazoir bir gramm ham raqibdan cho'chiyotgani yo'q. Hujumlar ketidan hujumlar

32. Feguli jarima to'pini amalga oshiradi...Xavfli vaziyat! Ammo zarba umuman futbolga xos emas, regbida ochko olardi aniq!

31. Ozilning harakatlari tufayli Germaniyada yaxshi imkoniyat bo'lgandi. SHvaynshtaygerning zarbasi yo'liga himoyachi to'g'anoq bo'ldi

31. Jazoirning hujumlari ajoyib tashkil etilmoqda: "To'pni oldinga tepib yubor u erda kimdir to'pni egallab oladi"

30. Nimchorak finalning oldingi o'yinlari kabi bitta jamoa raqibdan yaqqol ustun emas.

29. SHu joyiga bitta fakt: Germaniya shu paytgacha Jazoirga qarshi ikki marta o'ynagan va ikkalasida ham mag'lub bo'lgan

28. Mertesaker sal qolsa raqibga to'pni sovg'a qilardi, uning xatosidan so'ng Noyer jarima maydonidan chiqib odatiy tarzda to'pni tepib yubordi

25. Kroos burchak to'pini amalga oshirdi, kimdir yiqildi, hakam indamadi demak penalti yo'q.

24. Nemislar o'z o'yinlarini namoyish etishni boshlashdi. Yana hujum, bu safar ham Ozil jarima maydoniga to'p uzatdi, Rais darvozaga kirib ketayotgan to'pni qaytarib yubordi.

22. Ozil chap qanotdan to'pni jarima maydoniga oshirdi, Myuller orqasi bilan darvozaga turgan holda boshi bilan zarba berdi, noaniq

19. ZARBAAAAAAAAAAAAAA! G'ULOOOOOOOOOOOOOOM! Bu G'ulomjon Yoqubov emas! Bu Jazoir safidagi Fauzi G'ulom! Uning chap oyoqda bergan zarbasi darvoza ustuni yonidan o'tib ketdi

17. GOL! Lekin offsayd! Feguli qanotdan oshirilgan to'pni darvozga yo'lladi, hakamlar o'yindan tashqari holatni to'ppa to'g'ri aniqlashdi

16. Germaniya osonlik bilan raqib jarima maydoni ichiga kira olmayapti, Jazoir yaxshi himoyalanmoqda

14. XAVFLI VAZIYAT!!!! Feguli!! O'ng qanotdan raqib jarima maydoni ichiga kirib bordi va sheriklariga to'pni oshirish emas zarba berishga qaror qildi, noaniq

13. ZARBAAAA! SHVAYNSHTAYGERR! Uning jarima maydoni tashqarisidan yo'llagan kuchli va aniq zarbasidan so'ng Rais (buva) to'pni qaytardi

11. Fauzi G'ulom Mertesakerga nisbatan "qizbolacha" o'yin qildi, hakam uni ayadi

10. Jazoir hujumga o'tishni boshladi. Demak qiziqarli o'yin ko'ramiz



9. UXXXXXXXX! Noyer nimalar qilayapsan? Jazoir qarshi hujumga o'tdi va Feguli to'pni jarima maydoni tashqarisida turgan Noyerni aldab o'tishga urindi, biroq posbon to'pga tashlanib xavfni bartaraf etdi

9. Xavfli vaziyat! Germaniyaning tezkor qarshi hujumi o'ng qanotdan rivojlandi, Mustafining pasi noaniq bo'ldi

8. Hozirga qadar hech bir tomon golli vaziyat sodir eta olmadi

5. Mehdi Mustafo markazdan tezlanish olayotgan Kroosni qo'li bilan to'xtatib qoldi, hakam jarima to'pi belgiladi va jazoirlik futbolchini og'izaki tarzda ogohlantirdi

4. Myullerni oldinga boshlashdi, biroq to'pga birinchi bo'lib Rais Mboli etib keldi



3. Germaniya to'pni o'zida saqlab turibdi va hujumga o'tishga tayyorlanmoqda. Man hujum, Mustafi o'ng qanotdan oldinga o'tdi, biroq o'yindan tashqari holat

1. Nemislar hujumga o'tishga harakat qilishdi, Myullerning to'p uzatishi noaniq bo'ldi

- CHURRRRRR! O'YIN BOSHLANDI!

- O'yinni tomosha qilish uchun stadionga shaxsan FIFA prezidenti Yozef Blatter kelgan. Siz bo'lsa uxlayman deysiz.

- Stadiondagi muxlisalarni hozir eslamay turamiz. Bugun faqat futbol ko'raylik)) rozimisizlar?

- Navbat Jazoir madhiyasiga...

- Germaniya davlat madhiyasi!

- Kutib oling, Germaniya hamda Jazoir terma jamoalari...

- Myuller va Noyer yonida turgan yosh bolalarga blic intervyu berishmoqda. O'z ishining haqiqiy ustalari bilan yonma yon suhbat qurish hayotda bir marta bo'ladi

- Demak ushbu bahsda Franciyaning raqibi aniqlanadi. Jamoalar maydonga tushishga shay bo'lib turishibdi

- Tun yarmidan o'tganida barchangizga muzdekkina salomlar! Germaniya va Jazoir o'rtasidagi bahsni sizlarga etkazish Narzullaning chekiga tushgan. Ishonamanki bahs davomida futbolchilar ham, men men ham sizlarni zeriktirmaymiz)

- O'yin soat 01:00da boshlanadi.