Franciya. Mavsum boshlanishiga 2 soat qoldi (Prevyu)
09 avg 2019 21:45
Yangiliklar

Franciya. Mavsum boshlanishiga 2 soat qoldi (Prevyu)

Teglar : Liga 1 2019-2020

Franciya chempionatining 2019/2020 yilgi mavsumi yana 2 soatdan so'ng yo'lga chiqadi.

Ushbu chempionat boshlanishi umuman olganda nafaqat Franciya, balki top-5 chempionatlari orasida APL bilan birga birinchilardan bo'lib start olmoqda.

Dastlabki o'yin "Monako" va "Lion" kabi ikki kuchli jamoa o'rtasida bo'lsa, yana ham bahs qiziqarli bo'lishi turgan gap.

Har doimgidek, bu mavsum ham katta ehtimol bilan PSDJ klubi peshqadamlik uchun asosiy davogar bo'lsa, unga raqobat qilguvchi klublar soni oshishi mumkin. Bular qatoriga "Marsel", "Monako", "Lill" va "Lion" jamoalarini qo'shish lozim.

O'tgan mavsum so'nggi o'rinlarni qayd etgan "Kan" va "Gengam" quyi ligaga tushib ketdi, ularning o'rnini "Metc" va "Brest" jamoalari to'ldirdi. "Dijon" klubi esa o'tish o'yinida g'alaba qozonib, Liga 1da jon saqlab qoldi.

Bugungi kun tartibidan faqat "Monako" - "Lion" o'rtasidagi bahs o'rin olgan. Ertaga 6 ta, yakshanba kuni esa qolgan 3 ta o'yin o'tkaziladi. Turni yakunlab beruvchi o'yin PSJ va Nim bahsi bo'ladi.

Liga 1. Yangi mavsumning dastlabki o'yini (Prevyu)

1-tur o'yinlari
09.08.19, juma
Monako — Lion (23:45)

10.08.19, shanba
Marsel — Reyms (20:30)
Dijon — Sent-Eten (23:00)
Nicca — Amen (23:00)
Monpele — Renn (23:00)
Anje — Bordo (23:00)
Brest — Tuluza (23:00)

11.08.19, yakshanba
Lill — Nant (18:00)
Strasburg — Metc (20:00)
PSJ — Nim (00:00)

Halqaro maydon

Bu yili UEFA CHempionlar ligasida Franciya sharafini 3 klub himoya qiladi: PSJ, "Lill" va "Lion". Evropa ligasida esa "Sent-Eten", "Renn", "Strasburg" klublarining o'yiniga guvoh bo'lamiz.